U Minsku zapracavała sistema aŭtamatyčnaj fiksacyi prajezdu na čyrvonaje

Jon raspavioŭ, što «źviestki, jakija atrymlivajucca z kamiery videanazirańnia, dazvalajuć navat pryciahvać kiroŭcaŭ-parušalnikaŭ da adkaznaści (nie ŭ aŭtamatyčnym režymie, a na padstavie ahulnych praviłaŭ) zhodna z KoAP».

«Za apošni miesiac my vyjavili kala 20 vypadkaŭ prajezdu na čyrvonaje śviatło na hetym skryžavańni. I kiroŭcy, jakija dapuścili hetyja parušeńni, pryciahnuty da administracyjnaj adkaznaści», — prainfarmavaŭ načalnik staličnaj DAI.

Sistema pracuje tak: videakamiery fiksujuć, jaki sihnał haryć u momant ujezdu transpartu na skryžavańnie, u momant pierasiačeńnia stop-linii zdymajuć dynamiku parušeńnia. Potym infarmacyja apracoŭvajecca, i parušeńnie fiksujecca ŭ aŭtamatyčnym režymie.

Kali ž sistema vyjdzie z testavaha režymu i pačnie pracu na pastajannaj asnovie, a taksama jakija skryžavańni buduć abstalavany jašče? «Ja ŭpeŭnieny, što nie paźniej za nastupny hod sistema pačnie pracu. Sprava za małym: dapracavać pracu i ŭzajemadziejańnie ŭsich sistem», — skazaŭ Siarhiej Babič.

Jon dadaŭ, što sistema aŭtamatyčnaj fiksacyi prajezdu na zabaranialny sihnał śviatłafora budzie ŭstanaŭlivacca na skryžavańniach, jakija vyznačajucca pavyšanaj avaryjnaściu: «U Minsku ŭžo zapłanavany kala piaci skryžavańniaŭ, jakija patrabujuć pieršačarhovaj uvahi».

Načalnik DAI pryvioŭ takuju statystyku: u hetym hodzie ŭ Minsku adbyłosia 15 DTZ z-za prajezdu na čyrvony sihnał śviatłafora. U ich 16 čałaviek byli traŭmavany.

Niadaŭna paviedamlałasia, što na skryžavańni vulic Lenina i Pijanierskaj u Słucku ŭstalavany kompleks fotafiksacyi parušeńniaŭ PDR, jaki pracuje ŭ aŭtamatyčnym režymie. Tolki za tydzień sistema zafiksavała bolš za 200 kiroŭcaŭ-parušalnikaŭ. Jany pryciahnuty da administracyjnaj adkaznaści. Pra heta paviedamlała DAI Minskaj vobłaści. Tolki za prajezd na čyrvony sihnał śviatłafora pakarali 40 kiroŭcaŭ.

Jak karajuć za prajezd na čyrvonaje śviatło

Za prajezd na zabaranialny sihnał śviatłafora ŭ pieršy raz parušalnika mohuć aštrafavać na 1-5 bazavych vieličyń (ad 40 da 200 rubloŭ). Paŭtorna na praciahu hoda štraf składzie ad 3 da dziesiaci bazavych vieličyń (120-400 rubloŭ).

Taksama kiroŭcu mohuć pryciahnuć da adkaznaści za stvareńnie avaryjnaj situacyi, za heta praduhledžany štraf u pamiery ad 5 da 20 bazavych vieličyń (200−800 rubloŭ). Mahčyma taksama pazbaŭleńnie pravoŭ na termin da dvuch hadoŭ.

Jość i kryminalnaja adkaznaść, jakaja moža nastupić, kali paciarpiełyja atrymlivajuć mienš ciažkija i ciažkija cialesnyja paškodžańni.

• 0
• 2
• 0
• 0
• 0
• 0
• 0
• 0