Dyviersija ŭ «Minskaj praŭdzie»: zaŭtrašni numar vyjdzie ź bieł-čyrvona-biełym ściaham na pieršaj pałasie
Abłasnaja prapahandysckaja hazieta «Minskaja praŭda» apublikavała tytulnuju staronku numara vydańnia, jaki maje vyjści zaŭtra, 21 červienia. Numar jašče nie źjaviŭsia ŭ šapikach i paštovych skrynkach, ale ŭžo viadoma, što dyzajnieram haziety nie ŭdałosia paźbiehnuć pry jaho padrychtoŭcy ideałahičnaha prakołu.
![](http://nnexpictures.fra1.digitaloceanspaces.com/img/w732d4webp1/photos/z_2024_06/2024-06-20203318-dndse.jpg.webp)
U hetym numary prapahandysty ŭžo pačynajuć smakavać jubilej pieramohi Łukašenki na prezidenckich vybarach 30-hadovaj daŭniny. Pieršy tur tych vybaraŭ, jakija stali pieršymi i pakul apošnimi demakratyčnymi ŭ najnoŭšaj historyi Biełarusi, adbyŭsia 23 červienia 1994 hoda.
Tytulnaja staronka hetaha numara vytrymana ŭ zvyčajnym dla hetaha vydańnia styli — «jarka i malaŭniča». Jana až strakacić ad šmatlikich fota z Łukašenkam dy čyrvona-zialonych koleraŭ, a ŭ vierchniaj častcy, vytrymanaj u styli dziaržaŭnaha ściaha, biezapielacyjna śćviardžajecca, što «Biełaruś = Łukašienko».
Voś tolki ideołahi niedahledzieli, što znak «=», vykanany biełym koleram na čyrvonym fonie, pieratvarajecca ŭ nienavisny režymu bieł-čyrvona-bieły ściažok. I heta pobač sa słovam «Łukašienko», a jašče pobač z fota, na jakim tady jašče małady palityk akurat demanstruje alternatyŭnuju dziaržaŭnuju simvoliku.
Atrymałasia vielmi simvalična, asabliva ŭličvajučy toje, ź jakim impetam sami prapahandysty i siłaviki vyšukvajuć i zaŭvažajuć nacyjanalnuju simvoliku ŭ samych niečakanych miescach.
Čatyrochhadovaja Maja Lubimcava, jakuju šukali bolš za sutki, zahinuła
![](http://nnexpictures.fra1.digitaloceanspaces.com/img/w450h300crop1webp1/photos/z_2024_07/maja240703-6qkyg.jpg.webp)
Kamientary