«Chaču vyrazna zajavić: ukrainski narod zasłuhoŭvaje žyć u miry i biaśpiecy», — skazaŭ prezident ZŠA.
U sieradu ranicaj Rasija ździejśniła ataki na enierhasistemu i harady Ukrainy kryłatymi i balistyčnymi rakietami, a taksama bieśpiłotnikami. Uładzimir Zialenski nazvaŭ hety «kaladny padarunak» ukraincam «biesčałaviečnym».
Prezident ZŠA Džo Bajden u sieradu dniom zajaviŭ, što daručyŭ Ministerstvu abarony praciahvać pastaŭki ŭzbrajeńniaŭ Ukrainie paskoranymi tempami. Zajava była apublikavanaja paśla taho, jak u sieradu ranicaj Maskva naniesła masiravanyja ŭdary pa ŭkrainskaj enierhasistemie, piša «Hołas Amieryki».
«Ranicaj na Kalady Rasija naniesła sieryju udaraŭ rakietami i dronami pa ŭkrainskich haradach i krytyčna važnaj enierhietyčnaj infrastruktury. Meta hetaj aburalnaj ataki — pazbavić ukrainski narod ciapła i elektryčnaści zimoj i pastavić pad pahrozu biaśpieku enierhasistemy», — havorycca ŭ zajavie Bajdena, apublikavanaj Biełym domam.
«Chaču vyrazna zajavić: ukrainski narod zasłuhoŭvaje žyć u miry i biaśpiecy, i Złučanyja Štaty razam ź mižnarodnaj supolnaściu pavinny praciahvać padtrymlivać Ukrainu, pakul jana nie pieramoža rasijskuju ahresiju», — dadaŭ Bajden.
Nahadaŭšy, što «za apošnija miesiacy Złučanyja Štaty pieradali Ukrainie sotni rakiet dla supraćpavietranaj abarony, i jašče bolš užo na šlachu», prezident zajaviŭ: Ja daručyŭ Ministerstvu abarony praciahvać paskoranyja pastaŭki ŭzbrajeńniaŭ Ukrainie, i Złučanyja Štaty buduć niastomna pracavać nad umacavańniem pazicyj Ukrainy ŭ jaje abaronie suprać rasijskich vojskaŭ».
«A što ŭ vas za prablemy? Daloka da Minska ci niama kamu padvieźci?» Publičnaja pikiroŭka Łukašenki i Pašyniana10
Kamientary
A što da Ukrainy, heta adna ź niešmatlikich krain, dzie spažyŭcy mohuć pradavać svaju elektraenerhiju (najčaściej soniečnuju i ź vietrakoŭ) u enerhasystemu.
Enerhiju ludzi na padkantrolnaj URSR terytoryi nia mohuć pradavać