Apublikavanyja dekłaracyi kandydataŭ u prezidenty. Kolki ŭ Łukašenki, a kolki ŭ astatnich?
Centrvybarkam apublikavaŭ dekłaracyi ŭsich piaci kandydataŭ u prezidenty. Zhodna z zakonam, jany pavinny byli padać źviestki pra dachody i majomaść za 2023 hod.
Dachod Łukašenki — 203 590,16 rubla. Heta paznačana jak zarobak. Nieruchomaści, mašyn i inšaj majomaści ŭ Łukašenki niama.
Atrymlivajecca, što pa tahačasnym kursie dalara štomiesiačny zarobak Łukašenki składaŭ $4783 brudnymi ci $4113 čystymi.
U jaho žonki Haliny Radzivonaŭny dachod — 9703,23 rubla (heta piensija i dachody ad akcyj).
Nieruchomaść u Haliny Radzivonaŭny — žyły dom płoščaj 196 kv. m u Škłovie; 1/2 doli ŭ pravie ŭłasnaści na žyły dom płoščaj 54 kv. m u vioscy Vialiki Miežnik; ziamielny ŭčastak płoščaj 0,1498 ha ŭ Škłovie. Taksama jość 56 akcyj Škłoŭskaha masłarobčaha zavoda.
Dachod Hanny Kanapackaj — 93 978,31 rubla
Heta aformlena, jak zarobak, dachod ad pradprymalnickaj dziejnaści; dachod ad dziejnaści, abkładanaj padatkam na prafiesijny dachod; dyvidendy.
Nieruchomaść — kvatera płoščaj 88,4 kv. m u Minsku; 1/2 doli ŭ pravie ŭłasnaści na administracyjnaje pamiaškańnie płoščaj 47,7 kv. m u Minsku.
Transpart — «Łend Rovier Rendž Rovier Evodžy» 2017 hoda vypusku.
91 akcyja AAT «Puchavicki KCHP»; 90% statutnaha fondu TAA «KINS-AHRA»
U Aleha Hajdukieviča — 157 707,92 rubla
Heta — zarobak; prafsajuznyja vypłaty; vypłaty pa damovie, dachod ad prodažu aŭtamabila.
Ź nieruchomaści — kvatera płoščaj 60,1 kv. m u Minsku, z transpartu — lehkavik «Dodž Čelendžer 2019 hoda vypusku»; matacykł Chonda VT750 C2B 2009; matacykł Minsk, 3.129, 2022 hoda.
U Siarhieja Syrankova — 157 637,85 rubla (zarobak, prafsajuznyja vypłaty, prybytak ad prodažu aŭtamabila). U vałodańni dom u Krasnapolli płoščaj 96,5 kv mietraŭ, lehkavy aŭtamabil «Piežo 5008», 2018 hoda vypusku. U jaho žonki — dachod 14 831,46 rubla.
U Alaksandra Chižniaka — 14 831,46 rubla (zarobak; prafsajuznyja vypłaty; vypłaty da padziak i hramat, dyvidendy), Jość kvatera 76,5 kv m u Minsku, lehkavy aŭtamabil «Tajota Kamry» 2008 hoda. «Leksus LS600» 2007 hoda, 37 prostych akcyj AAT «Aŭtaśpiectrans».
U jaho žonki Aleny 14 179,27 rubla zarobak, u syna — Chižniaka Mikity Alaksandraviča — 16 857 rubla. Jašče adzin syn Uładzisłaŭ Chižniak nie mieŭ dachodaŭ.
Syny Łukašenki, darečy, nie paznačany. Viktar i Dźmitryja — paŭnaletnija, ad ich dakumientaŭ nie patrabujecca. A voś dekłaracyja Koli pavinna być apublikavanaja — kali jaho pryznajuć synam Alaksandra Łukašenki.
Kamientary
U dekłaracyi nijakaha doma ŭ Aleha Hajdukieviča niama. Tolki kvatera 60m.
Padsudnych abvinavačvali ŭ płanavańni i ździajśnieńni šerahu aktaŭ teraryzmu, u tym liku ŭ dačynieńni da deputata Aleha Hajdukieviča, a taksama inšych złačynstvaŭ, paviedamlajuć dziaržaŭnyja ŚMI. Na ŭsich abvinavačanych razam prakuratura prasiła 245,5 hoda źniavoleńnia.
Vialikija terminy atrymała siamja Vajciachovičaŭ: Uładzisłaŭ (syn) i Vital (baćka) asudžanyja na 21 hod i 19 hadoŭ adpaviedna, Nastaśsi (žoncy syna) i Volzie (maci) prysudzili pa 11 hadoŭ.
Siarhieju Lisoŭskamu i Paŭłu Čamiakinu prysudzili pa 20 hadoŭ, Uładzimiru Saviankovu i Dzianisu Chamiceviču — pa 16 hadoŭ uzmocnienaha režymu kožnamu. Pryčym usim im pieršyja 5 hadoŭ sud pryznačyŭ pravieści ŭ turemnych umovach.
Siarhiej Sakałoŭ asudžany na 14 hadoŭ uzmocnienaha režymu i štraf u pamiery 700 bazavych, Dźmitryj Nieviarkievič — na 11 hadoŭ uzmocnienaha režymu i 3 tysiačy bazavych.
Volzie Pietuch i Mikałaju Roju prysudzili 10 hadoŭ ahulnaha režymu i 12 hadoŭ uzmocnienaha režymu adpaviedna. Eks-supracoŭniku Śledčaha kamiteta pałkoŭniku justycyi Paŭłu Čychinskamu, Dzianisu Fiłončyku i Piatru Jurkieviču — pa 9 hadoŭ uzmocnienaha režymu. Eduardu Piestraku pryznačyli 3,5 hoda ŭzmocnienaha režymu.
Alaksieju Michajłavu prysudzili 2 hady ahulnaha režymu i vyzvalili ŭ zale suda, bo hety termin jon całkam adbyŭ padčas śledstva.
Usich siłavikoŭ, jakija prachodzili pa hetaj spravie, pazbavili zvańniaŭ.
Incydent adbyŭsia ŭ červieni 2021 hoda. Tady deputat Pałaty pradstaŭnikoŭ Aleh Hajdukievič zajaviŭ, byccam jaho dom chacieli padpalić i kinuli try butelki z "kaktejlem Mołatava". Adzinaj paciarpiełaj, adnak, stała kotka Hajdukievičaŭ, u jakoj byŭ abpaleny nos.