Biełarus-dalnabojščyk u Polščy paškodziŭ try mašyny. Kab vysłuchać abvinavačvańnie, jamu daviałosia praćvierazieć
Ciapier mužčynu pahražaje da troch hadoŭ turmy.
![](http://d3kcf2pe5t7rrb.cloudfront.net/img/w840d4webp1/photos/z_2024_06/1-2aaej.jpg.webp)
Biełarus-dalnabojščyk byŭ zatrymany ŭ Lublinskim vajavodstvie Polščy.
Dniom 17 červienia vidavočcy paviedamili pra hruzavik Mercedes, jaki ruchaŭsia pa darozie pa dziŭnaj trajektoryi i paškodziŭ lusterki dźviuch pryparkavanych fur. Mašyna jechała ŭ bok miažy ź Biełaruśsiu praź Biała-Padlasku i Chołu.
Praź niekatory čas palicyja atrymała jašče adzin sihnał pra hety samy hruzavik — vidavočcy paskardzilisia na dziŭnyja i niebiaśpiečnyja manieŭry. Akramia taho, u vakolicach Choły jon paškodziŭ jašče adzin pryparkavany aŭtamabil, paviedamili ŭ polskaj palicyi.
Zatrymali kiroŭcu ŭžo ŭ čarzie na miažy pa sihnale jahonych kaleh. Jak akazałasia, za rulom znachodziŭsia 53-hadovy biełarus — i jon byŭ mocna pjany. U arhaniźmie ŭ dalnabojščyka znajšli bolš za 2 pramile ałkaholu.
Biełarusa zatrymali, aŭtamabil adpravili na štrafstajanku. Kali mužčyna praćvierazieŭ, jamu vystavili abvinavačvańni ŭ pjanym kiravańni i parušeńni PDR. Ciapier dalnabojščyku pahražaje da troch hadoŭ turmy, zabarona na kiravańnie i vialiki štraf.
«Samaje hałoŭnaje ciapier — zabiaśpiečvać subjektnaść Biełarusi». Franak Viačorka raskazaŭ, ci jość stratehija ŭ demsiłaŭ i na što ŭpłyvaje Cichanoŭskaja
![](http://d3kcf2pe5t7rrb.cloudfront.net/img/w450h300crop1webp1/photos/stock/viachorka3-aajnw.jpg.webp)
Kamientary