MUS Biełarusi abmiarkoŭvała pahrozy biaśpieki ŭ Jeŭropie na kanfierencyi Interpała
Delehacyja MUS Biełarusi na čale z načalnikam Nacyjanalnaha centralnaha biuro Interpała Dźmitryjem Miadźviedzievym uziała ŭdzieł u jeŭrapiejskaj rehijanalnaj kanfierencyi Interpała. Mierapryjemstva prajšło ŭ stalicy Ałbanii Tyranie.
![](http://nnexpictures.fra1.digitaloceanspaces.com/img/w732d4webp1/photos/z_2024_06/mus240615-z6dnt.jpg.webp)
U im udzielničali kala 160 pradstaŭnikoŭ pravaachoŭnych orhanaŭ z 54 krain. Jany abmierkavali pahrozy biaśpieki ŭ Jeŭropie i pytańni procidziejańnia arhzłačynnaści. U pryvatnaści, havorka išła ab mihracyi, kibierzłačynstvach i narkahandli, paviedamlaje pres-słužba biełaruskaha MUS.
Prezident Interpała Achmied Nasier Al-Raisi padkreśliŭ, što łandšaft biaśpieki Jeŭropy chutka źmianiajecca, isnujučyja vykliki patrabujuć adzinaha stratehičnaha adkazu, havorycca ŭ pres-relizie viedamstva.
Na jaho dumku, kanfierencyja źjaŭlajecca placoŭkaj dla plonnych dyskusij usich krain-členaŭ, mahčymaściu dla abmienu infarmacyjaj i ŭdaskanaleńnia farmataŭ supracoŭnictva.
Kamientary