Biełaruś pradstaviła viertalot — «zabojcu» marskich dronaŭ, jaho źbirajucca pradavać Rasii
Navinku pryvieźli na vystavu ŭ Maskvu.
Biełaruskaje KB «Bieśpiłotnyja viertaloty» na vystavie HeliRussia-2024 u Maskvie pradstaviła raźviedvalna-ŭdarny bieśpiłotnik Hunter.
Viertalot atrymaŭ całkam novuju miechaniku i elektroniku, u tym liku novy soft, zatočany na pošuk i źniščeńnie nadvodnych marskich dronaŭ, raspavioŭ hałoŭny kanstruktar KB Uładzimir Čudakoŭ.
BPŁA pryznačany dla pošuku i źniščeńnia braniavanaj techniki, žyvoj siły praciŭnika, a taksama małachutkasnych pavietranych celaŭ, u tym liku nadvodnych marskich dronaŭ, piša Sputnik.
Maksimalnaja ŭźlotnaja masa viertalota kompleksu Hunter składaje 750 kiłahramaŭ, karysnaja nahruzka — 200 kiłahramaŭ. BPŁA moža lacieć 6 hadzin na krejsierskaj chutkaści, dalokaść palotu — 150 kiłamietraŭ.
Kompleks Hunter składajecca z dvuch bieśpiłotnych viertalotaŭ, naziemnaj stancyi kiravańnia, stancyi naziemnaha zabieśpiačeńnia palotaŭ i dvuch transpartnych płatformaŭ. Uzbrajeńnie BPŁA-turel kalibra 7,62 mm, 2 puskavyja ŭstanoŭki pad 8 niekiravalnych rakiet, a taksama 16 procitankavych avijabombaŭ.
Pa słovach Čudakova, bieśpiłotnyja viertaloty kampanii za 27 hadoŭ pracy pastaŭlalisia ŭ 20 krain, u tym liku dziaržavam Piersidskaha zalivam i Afryki, cikaviłasia imi i Rasija.
U rasijskaj armii raniej zajaŭlali, što kompleks Hunter pastupić na ŭzbrajeńnie ŭžo praz paŭhoda, jaho buduć užyvać u vajnie suprać Ukrainy.
Kamientary