Što admietna — jaje zdymali schavanaj kamieraj z momantu pastupleńnia ŭ kałoniju.
Karespandentka Kaciaryna Krucialevič pryjechała da Łosik u homielskuju kałoniju.
Praktyka dobraachvotna-prymusovych telerazmovaŭ z palitviaźniami aktyŭna praktykujecca biełaruskaj prapahandaj z 2021 hoda, z časoŭ Ramana Pratasieviča.
Pryčym dla prapahandy važna, kab palitźniavolenyja padkreślivali, što dajuć intervju nibyta pa svajoj inicyjatyvie. Ad ich patrabujecca raskazvać pra dobryja ŭmovy ŭtrymańnia i abviarhać svoj status palitviaźnia.
Što admietna ŭ situacyi z Darjaj Łosik — jaje zdymali schavanaj kamieraj jašče z momantu pastupleńnia ŭ kałoniju.
U filmie pakazvalisia kadry, kali jana ŭletku 2023 hoda addaje papiery supracoŭniku administracyi. Najchutčej, heta abaviazalnictva vykonvać praviły ŭtrymańnia, jakija pavinny padpisvać usie źniavolenyja.
Data płanavanaha vyzvaleńnia Darji Łosik — 1 žniŭnia 2024 hoda.
***
Zasnavalnik telehram-kanała «Biełaruś hałaŭnoha mozhu» Ihar Łosik byŭ zatrymany 25 červienia 2020 hoda doma ŭ Baranavičach. Na jaho zaviali kryminalnyja spravy pa niekalkich palityčnych artykułach. Pratestujučy suprać vysunutych abvinavačańniaŭ, Ihar Łosik trymaŭ haładoŭku.
14 śniežnia 2021 hoda Łosiku prysudzili 15 hadoŭ źniavoleńnia, u červieni 2022 hoda jaho etapavali ŭ kałoniju №1 u Navapołacku.
18 kastryčnika 2022 hoda zatrymali jahonuju žonku Darju Łosik — za intervju pra aryštavanaha muža. U studzieni 2023 hoda joj prysudzili dva hady kałonii.
Na voli zastałasia dačka Łosikaŭ — Paŭlina, jakoj apiakujucca baćki palitviaźniaŭ.
Siłaviki ŭzialisia za karystalnikaŭ tvitara — dziasiatki akaŭntaŭ zvyčajnych biełarusaŭ stali «ekstremisckimi»10
Kamientary
Jakvia jašče " karespandentka " ? Prapahandystka i złačynca!