Hramadstva66

Čatyry krainy ES prapanavali admianić biaźvizavy režym z Hruzijaj, kali Tbilisi prymie zakon ab zamiežnych ahientach

Jeŭrapiejskija krainy razhladajuć roznyja miery cisku na hruzinski ŭrad.

Fota: Echo Kavkaza

Čatyry krainy Jeŭrasajuza — Estonija, Niderłandy, Čechija i Šviecyja — prapanujuć admianić biaźvizavy režym dla hramadzian Hruzii, kali hruzinskija ŭłady prymuć zakon ab «zamiežnych ahientach», piša Radyjo Svaboda.

Jeŭrapiejskija krainy razhladajuć «roznyja miery cisku na hruzinski ŭrad», havorać čynoŭniki, znajomyja z pytańniem. Siarod inšych mier — kropkavyja sankcyi i zamarozka vydzialeńnia srodkaŭ z fondaŭ Jeŭrasajuza. Inicyjatary žadajuć abmierkavać ich na sustrečy ministraŭ zamiežnych spraŭ ES užo na nastupnym tydni.

Dla pryniaćcia rašeńnia spatrebicca zhoda ŭsich 27 krain Jeŭrasajuza. Adnak, pa źviestkach The Financial Times, jak minimum adna kraina — Vienhryja — padtrymlivaje hruzinski ŭrad i navat prapanuje ŭsim krainam ES pryniać anałahičny.

Raniej Jeŭrakamisija zaklikała hruzinskija ŭłady admovicca ad pryniaćcia zakona «Ab prazrystaści zamiežnaha ŭpłyvu», jaki krytyki nazyvajuć anałaham represiŭnaha rasijskaha zakona ab zamiežnych ahientach. Jeŭrakamisija zaznačyła, što rašeńnie «niehatyŭna paŭpłyvaje na jeŭrapiejskija pierśpiektyvy Hruzii», bo zakonaprajekt padryvaje hramadzianskuju supolnaść i pahražaje svabodzie ŚMI. U minułym hodzie Hruzija atrymała status kandydata na ŭstupleńnie ŭ Jeŭrasajuz, ale pieramovy ab im jašče nie pačalisia.

Taksama ad pryniaćcia zakona zaklikali admovicca ZŠA, pryhraziŭšy pierahledzieć šmatmiljonnyja prahramy dapamohi Hruzii i ŭvieści sankcyi suprać datyčnych da represij u dačynieńni da pratestoŭcaŭ. Inicyjatar zakonaprajekta — kirujučaja «Hruzinskaja mara» — asudziła mižnarodny cisk.

Na minułym tydni, 14 traŭnia, hruzinski parłamient uchvaliŭ zakonaprajekt ab «zamiežnych ahientach» u trecim, kančatkovym, čytańni. Prezident Hruzii Sałamie Zurabišvili nakłała na jaho vieta. U «Hruzinskaj mary» jość dastatkova hałasoŭ u parłamiencie, kab prezidenckaje vieta pieraadoleć.

Abmierkavańnie zakonaprajekta supravadžajecca šmattysiačnymi pratestami ŭ Tbilisi i ŭ inšych haradach krainy. Dziesiatki tysiač pratestujučych užo bolš za miesiac vychodziać na vulicy sa ściahami Hruzii i Jeŭrasajuza i patrabavańniem nie prymać «rasijski zakon». Na pratestach zdaralisia sutyčki z palicyjaj — taja prymianiała siłu i zatrymlivała pratestoŭcaŭ, jakija, na jaje dumku, parušali hramadski paradak. U krainie taksama prachodziła studenckaja zabastoŭka suprać zakonaprajekta ab «inšaahientach».

Kamientary6

  • Janka
    22.05.2024
    Vielmi dziŭny padychod. Hramadstva Sakartveły svaimi masavymi pratestami jaskrava prademanstravała svaju niazhodu z prarasiejskim zakonam. Ale ŭ jakaści padtrymcy źmiest sankcyj u datyčeńni da funkcyjanieraŭ Hruzinskaj Mary z boku asobnych krain-siabraŭ JEZ prapanaujecca viartańnie vizavaha režyma. Dzie łohika?!
  • Pudzh
    22.05.2024
    Litaralna majdan.
    Tam taksama zachad manipulavaŭ biaźvizam i jeŭraintehracyjaj, ŭ rešcie adbyŭsia raskoł u hramadstvie i vajna.
    Takija dziejańni krain JEZ -- hańba i interviencyja va ŭnutranuju palityku Hruzii.

    Darečy, ŭ śvietačy demakratyy, ZŠA, taksama jość taki zakon, i nijaki jon nie "rasiejski" :)
  • Tłumačeńnie
    22.05.2024
    Janka, zakon prymaje vybarny parłamient, parłamient vybirajecca hramadzianami. Parłamient prymaje zakon ab zamiežnych ahientach, hramadzianie niasuć adkaznaść, pazbaŭlajučymia biaźvizu.

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Usie naviny →
Usie naviny

Paŭła Łatušku vyklikali ŭ polskuju prakuraturu2

Rasijski vajskoviec, jakoha nibyta siońnia ŭzarvali ŭ Maskvie: Ja žyvy, siadžu na pracy

Śpievaka — pastajannaha ŭdzielnika aficyjnych kancertaŭ — buduć sudzić za pratesty1

Siaredni zarobak u červieni vyras na 50 rubloŭ, ale nakolki jon adlustroŭvaje realnuju situacyju?

Dzikavicki: Kamanda «Biełsata» amal nie maje nijakaha ŭpłyvu na situacyju3

Stryžak tłumačyć, čamu suprać pieramovaŭ z łukašenkaŭcami i jakaja jaho prapanova1

Stali viadomyja padrabiaznaści sustrečy Dudy i Si Czińpina nakont režymu Łukašenki

Na tarhach u Minsku dalar z salidnym zapasam ruchnuŭ da hadavoha minimimu1

«Padrychtoŭka da Alimpijady prajšła nie tak, jak płanavała». Cimanoŭskaja raskazała, ź jakim nastrojem jedzie ŭ Paryž7

bolš čytanych navin
bolš łajkanych navin

Dar‘ja Łosik vyjšła na svabodu pa pamiłavańni16

Dar‘ja Łosik vyjšła na svabodu pa pamiłavańni

Hałoŭnaje
Usie naviny →