Eks-bajec Pałka Kalinoŭskaha Siarhiej Biaspałaŭ štohod pradkazvaje vyniki Jeŭrabačańnia — ahułam zarabiŭ $2000-3000
Błohier Siarhiej Biaspałaŭ užo 12 hadoŭ pradkazvaje vyniki Jeŭrabačańnia i robić staŭki — kaža, što pamyliŭsia ź pieramožcam tolki adzin raz. My raspytali Biaspałava, jak heta ŭ jaho atrymlivajecca.
Jeŭrabačańnie-2024 pryniesła Siarhieju najvialikšy bonus za ŭvieś čas — jon vyjhraŭ na staŭkach ažno 700 dalaraŭ, ale i pastaviŭ šmat. I ŭsio praz toje, što pieramahła Šviejcaryja. Biaspałaŭ nie mieŭ u hetym sumnievaŭ, pakul, kaža jon, bukmiekiery nie pačali manipulavać staŭkami.
Na dumku Siarhieja, pryčyn tut niekalki: mocnaja pieśnia i hołas vykanaŭcy, a taksama niejtralny status Šviejcaryi, u jakoj šmat sajuźnikaŭ. I jašče niebinarny status šviejcarskaha pradstaŭnika — maŭlaŭ, takich pieramožcaŭ na Jeŭrabačańni jašče nie było. Ale nie tolki heta, tłumačyć biełarus:
«Akramia numara i hołasa, jość čałaviečy faktar. U Jeŭropie paŭsiul kryzis, a Šviejcaryja ŭsio ž moža pryniać Jeŭrabačańnie ŭ adroźnieńnie, naprykład, ad Ukrainy, u jakoj idzie vajna. U Ukrainy taksama byŭ dobry i mocny numar, ale jany ŭžo vyjhravali ŭ 2022-m, tak chutka jany nie mohuć vyjhrać.
Jeŭrabačańnie — heta ŭsio ž taki konkurs papsovaj piesieńki. Kali b heta było niešta rokavaje ci alternatyva, mahła b pieramahčy i Irłandyja ci Charvatyja. Było tolki niekalki vyklučeńniaŭ, tyja ž Lordi, ale ž zbolšaha pieramahaje pop-muzyka».
Biaspałaŭ raskazvaje, što ŭpieršyniu pieramoh, kali pastaviŭ u 2012-m kala 50 dalaraŭ na Loreen. U 2016-m jon pastaviŭ 10 dalaraŭ na Džamału i vyjhraŭ 100, pradkazaŭ i pieramohu aŭstryjki Kančyty Vurst. Siarhiej vyznačaje pieramožcu i pa ŭłasnych adčuvańniach, i praz analiz vystupaŭ — pierš za ŭsio jon hladzić na hołas, pieśniu i pastanoŭku numara. Važna i toje, kab pieśnia začapiła.
Za ŭvieś čas Biaspałaŭ zarabiŭ na Jeŭrabačańni niedzie 2-3 tysiačy dalaraŭ. Pamyliŭsia tolki adnojčy. U 2017 hodzie pieramahła Partuhalija, a Siarhiej tady staviŭ na Italiju. Ale prajhraŭ niašmat, niedzie 50 dalaraŭ.
«Nikoli nie rabiŭ bujnych stavak, tolki sioleta. Prosta ja zrabiŭ niekalki stavak na Šviejcaryju, a potym pierabłytaŭ ich z čekami i vykinuŭ. Tady na emocyjach ja zrabiŭ bujnuju staŭku, bo byŭ prosta ŭpeŭnieny, što Šviejcaryja pieramoža. A tak ja zvyčajna staŭlu nie bolš za 3-5% ad zarobku i starajusia stavić tolki na Jeŭrabačańnie», — kaža Biaspałaŭ.
«Naša Niva» — bastyjon biełaruščyny
PADTRYMAĆČatyrochhadovaja Maja Lubimcava, jakuju šukali bolš za sutki, zahinuła
Čatyrochhadovaja Maja Lubimcava, jakuju šukali bolš za sutki, zahinuła
Jaŭhienija Čarniaŭskaja, dačka zasnavalnika Tut.by Juryja Zisiera, zaniałasia vyrabam luksavaj kieramiki2
Kamientary