Praterminavanaja viandlina i razmarožanaja ryba: dziaržkantrol zazirnuŭ u «Śviatłafor» u Mahilovie
Pradukcyja na vitrynie zachoŭvałasia pry tempieratury + 1°C zamiest nieabchodnych -18°C.
Śpiecyjalisty Kamiteta dziaržkantrolu Mahiloŭskaj vobłaści pravieryli adnu z kramaŭ «Śviatłafor» u abłasnym centry. U vyniku na śmietnik vykinuli sotni kiłahram praduktaŭ, piša Tochka.by.
Ab parušeńniach u handli paviedamiŭ nieabyjakavy žychar horada. Pradstaŭniki KDK zazirnuli ŭ tuju kramu. Prychapili z saboj i śpiecyjalistaŭ sanitarnaha nahladu. Skarhi mieli pad saboj padstavy.
Što ŭ vyniku vyjavili?
U miasnym adździele znajšli 380 kh astudžanaj śvininy na kostcy i 8,5 kh zamarožanych hałubcoŭ biez patrabavanaj zakanadaŭstvam markiroŭki. Heta značyć nie było infarmacyi pra datu vyrabu, termin prydatnaści i hetak dalej.
Akramia taho, vyjavili amal 14 kh varanaj viandliny z praminułymi terminami prydatnaści.
U rybnym adździele taksama mielisia parušeńni. Bolš za 20 kh marožanaj pradukcyi znachodziłasia ŭ vitrynie pry tempieratury +1°C zamiest nieabchodnych -18°C i nižej.
U vyniku z kramy vyvieźli bolš za 400 kh pradukcyi — usia jana ŭtylizavanaja.
Što za takoje pahražaje?
Ciapier idzie administracyjny praces. Jaho vyniki abvieściać paźniej.
Ale viadoma, što za realizacyju tavaraŭ sa skončanymi terminami prydatnaści kramie pahražaje štraf da 100 bazavych vieličyń, za parušeńni ŭmoŭ zachoŭvańnia tavaru i adsutnaść markiroŭki — da 500 bazavych vieličyń.
Kamientary