Usiaho patrochu44

Na Brestčynie skasili vialikaje pole kvitniejučych ciulpanaŭ. Navošta heta zrabili?

U tyktoku źjaviłasia videa z pakosam vializnaha pola z kvitniejučymi ciulpanami, jakoje znachodzicca ŭ Ivanaŭskim rajonie. Mienš čym za sutki rolik sabraŭ amal 100 tysiač prahladaŭ i kala sotni poŭnych ździŭleńnia kamientaroŭ, zaŭvažyŭ Telegraf.news.

Užo niekalki hadoŭ sacsietki biełarusaŭ skarajuć videa z płantacyi ciulpanaŭ fiermierskaj haspadarki «Znachodka Paleśsia», jakaja znachodzicca ŭ vioscy Tyškavičy Ivanaŭskaha rajona. Pole z tysiač ciulpanaŭ, jakoje prazvali «biełaruskaj Hałandyjaj», i hetaj viasnoj prykoŭvała da siabie pohlady mnostva biełarusaŭ.

A voś ciapier, kali ciulpany jašče nie adćvili, ich skasili traktaram. Karystalniki sacsietak nie zrazumieli, navošta heta zrabili?

«Serca balić na takoje hladzieć, škada kvietki», — vykazałasia adna z karystalnic.

«Oj, jak škada, takuju pryhažość pad traktar!», — aburyŭsia jašče adzin kamientatar.

«Oj, a navošta tak z kvietkami?», — zadaŭsia pytańniem jašče niechta.

@nashaniva NAŠTO skasili vialikaje pole kvitniejučych ciulpanaŭ? #tiulpany #briest #biełaruś #biełaruśnovosti #biełaruskajamova ♬ original sound - kivxr

Adnak, jak patłumačyła dziaŭčyna, što źniała videarolik, padobnyja dziejańni — narmalny dla vyroščvańnia hetych kvietak praces.

«Jak škada, kali skošvajuć takuju pryhažość! Ale heta nieabchodna dla farmiravańnia cybulin», — napisała jana ŭ supravadžeńni da videa.

Jak ni dziŭna, ale kašeńnie kvitniejučych ciulpanaŭ — nieabchodnaja pracedura dla rostu i paśpiavańnia cybulin kvietak, jakija paśla buduć vykarystoŭvać jak pasadačny materyjał. Hetaja praktyka paŭsiudna vykarystoŭvajecca i ŭ słavutych svaimi kvietkami Niderłandach.

Kali aktyŭny pieryjad ćvicieńnia ciulpana padychodzić da kanca, jaho skošvajuć kasiłkaj, kab cybulina nie marnavała siły i resursy na padsiłkoŭvańnie butona, jaki vianie.

Darečy, ekśpierty adznačajuć, što hałoŭku ciulpana lepš abłomvać rukoj, a nie siekataram.

Kamientary4

  • Jan
    22.04.2024
    JANKA, bo cybuliny ciulpanaŭ taksama varožyja, ź Niderlandaŭ
  • JANKA
    22.04.2024
    • HORKIJA CYBULINY •
    👀 Jan, «jak ni dziŭna, ale kašeńnie ćvitučych ciulpanaŭ — nieabchodnaja pracedura dla rostu i paśpiavańnia cybulin kvietak, jakija paśla buduć vykarystoŭvać jak pasadačny materyjał». A, pa-vašamu, jany byli halandzkija? Dadamo, słova «varožy» ja vyšej užyŭ u dvukośsi, tolki chamiački heta, viadoma, nie zaŭvažyli.
    🚜 Dobra, Džon Dyr sam prydumaŭ stalovy pluh i inšyja prybludy, ale jahonuju kasu nielha było pryčapić nie na tarachtar «imini ivo», a na «Biedarusa»? Voś taki miestačkovy łuka-patryjatyzam.
    🌷 Taksama zusim užo niaŭciamna, henyja tulpany tak tamaka j zhnijuć? Čamu nie pradać ich choć za kolki handlaram kvietkami, u pachavalnyja biury ci prosta addać nastaŭnicam, babciam ci karovam?
    🏜️ I ci nie pieratvoryć Bulbinhem samich tych, chto dapuściŭ hetkuju niadbajnaść, u pasadačny materyjał? Albo, adkasiŭšy «c'vitučyja ciulpany», heny taksama adkosiać ad adkaznaści?
    🍂 P.N.: A jak adkosiać hetyja, što biełaruskija kvitučyja ci kvitniejučyja kvietki tutaka puścili na «c'vitučuju» trasianku?
  • Maksim Dizajnier
    23.04.2024
    Urody bojatsia krasoty.

«Akazvajecca, i na tym baku jość ludzi». Maci Ivana Padreza ŭsio ž nie vysialajuć4

«Akazvajecca, i na tym baku jość ludzi». Maci Ivana Padreza ŭsio ž nie vysialajuć

Usie naviny →
Usie naviny

U jakich rajonach Biełarusi najnižejšyja zarobki?

Urahan udaryŭ pa vystavie MUS u centry Viciebska — viecier raskidaŭ namioty VIDEA4

«Kalektyŭny Zachad ciapier krepaść». Hihin davodzić, što «hłabalnaja bolšaść» adpraviła Zachad u izalacyju10

«Ty russkij jazyk ponimaješ?» Mužčyna na voziery ŭhavorvaŭ lebiedzia addać jamu łaŭku VIDEA4

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach15

Markaŭ zaklikaŭ zamiaścić YouTube, Telegram, Instagram i TikTok biełaruska-rasijskimi sacsietkami14

Abnoŭleny «Biełsat» spynić viaščańnie praz spadarožnik?13

Ź mižnarodnaj viersii «Jandeks Kartaŭ» prybrali biełaruskuju movu9

U centry Minska źjaviłasia astudžalnaja arka VIDEA

bolš čytanych navin
bolš łajkanych navin

«Akazvajecca, i na tym baku jość ludzi». Maci Ivana Padreza ŭsio ž nie vysialajuć4

«Akazvajecca, i na tym baku jość ludzi». Maci Ivana Padreza ŭsio ž nie vysialajuć

Hałoŭnaje
Usie naviny →