Biznesmiena Uładzimira Bałabanoviča pačynajuć sudzić za «zakliki da sankcyj»
Jamu pahražaje da dvanaccaci hadoŭ kałonii.
Uładzimiru Bałabanoviču 48 hadoŭ, jon daŭno zajmajecca biznesam. Jon kolišni dyrektar departamienta biaśpieki ŭ hrupie kampanijaŭ «Biełahra». A da niadaŭniaha času byŭ dyrektaram kampanii «Mołpak», jakaja zajmajecca aptovym handlem małočkaj.
Ale, badaj, hałoŭny biznes Uładzimira — heta mižnarodnaja kampanija Industrial Kinetic Lab, jakaja stvaraje ryštunak dla apracoŭki kamieńnia.
Bałabanovič značycca ŭ jakaści zasnavalnika abo suzasnavalnika ŭ biełaruskim, indyjskim i bałharskim padraździaleńniach kampanii. Ahułam Uładzimir maje da jaje dačynieńnie z 2018 hoda.
Uładzimir achviaravaŭ muzieju ŭ Miry piačatki z hierbam Iljiničaŭ, zasnavalnikaŭ Mirskaha zamka. Mužčyna vypadkova znajšoŭ ich na svajoj dzialancy.
Data zatrymańnia Bałabanoviča nieviadomaja. U kancy studzienia 2024 biznesmiena ŭklučyli ŭ skład «ekstremisckaha farmiravańnia Tryelit». Na toj momant, imavierna, jon užo byŭ za kratami.
Heta dvaravy čat tavarystva ŭłaśnikaŭ, jakoje kiruje novabudami ŭ Minsku, damami pa vulicy Bahdanoviča 126, 128 i 130. Uładzimir paznačany jak adzin z kiraŭnikoŭ.
Sud nad Uładzimiram pačniecca 2 maja.
Bałabanoviču pahražaje da 12 hadoŭ kałonii za «zakliki da sankcyj». Sutnaść spravy nieviadomaja.
«Naša Niva» — bastyjon biełaruščyny
PADTRYMAĆ
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu55
Kamientary