Śviet1616

Zialenski nazvaŭ prymityŭnymi idei Trampa ab zdačy terytoryj u abmien na spynieńnie vajny

Pa słovach prezidenta Ukrainy, luboje pahadnieńnie, u jakim Pucinu prosta addaduć ziamlu ŭ abmien na spynieńnie bajavych dziejańniaŭ, tolki adkryje šlach dla novych zachopnickich vojnaŭ Rasii ŭ budučyni.

Uładzimir Zialenski i Donald Tramp padčas Hienasamblei AAN u Ńju-Jorku ŭ vieraśni 2019 hoda. Fota: Evan Vucci / AP

Prezident Zialenski ŭ intervju vydańniu Politico raskrytykavaŭ vykazanyja Donaldam Trampam idei ab tym, jak skončyć vajnu Rasii va Ukrainie, kali jon vierniecca ŭ Bieły dom, piša Bi-bi-si.

Jak pisała raniej Washington Post, spasyłajučysia na znajomych z płanam surazmoŭcaŭ vydańnia, Tramp nibyta płanuje akazać cisk na Kijeŭ i prymusić Ukrainu admovicca ad častki svajoj terytoryi, u tym liku Krym i Danbas.

Zialenski nazvaŭ takija płany «prymityŭnymi».

«Kali ŭhoda zaklučajecca ŭ tym, što my prosta addajom svaje terytoryi, a mienavita takaja ideja staić za joj, to heta vielmi prymityŭnaja ideja», — skazaŭ Zialenski.

«Mnie patrebny vielmi važkija arhumienty. Mnie nie patrebnaja fantastyčnaja ideja, mnie patrebnaja realnaja ideja, bo na kartu pastaŭlenyja žyćci ludziej», — dadaŭ prezident Ukrainy.

Pa słovach Zialenskaha, luboje pahadnieńnie, u jakim prezidentu Rasii Uładzimiru Pucinu prosta addaduć ziamlu ŭ abmien na spynieńnie bajavych dziejańniaŭ, tolki adkryje šlach dla novych zachopnickich vojnaŭ Rasii ŭ budučyni. Mir, dasiahnuty šlacham pieramovaŭ, pavodle jaho słoŭ, nie pavinien pakinuć Pucinu «nijakich mahčymaściaŭ dla ažyćciaŭleńnia svaich płanaŭ».

U intervju Zialenski časam vykazvaŭ niezadavolenaść zachodnimi sajuźnikami, jakija niedastatkova apieratyŭna akazvajuć vajennuju dapamohu (najbolš jaskrava jon vykazaŭ heta ŭ adras Hiermanii), i pryznavaŭ, što Ukraina znachodzicca pad mocnym ciskam, jaki patrabuje ad jaje novych pośpiechaŭ u vajnie.

Intervju prachodziła na anhlijskaj i ŭkrainskaj movach, častkova z dapamohaj pierakładčykaŭ.

U apošnija tydni dva zakanadaŭcy-respublikancy, jakija vystupajuć za dapamohu Ukrainie, — deputaty Majk Ternier z Ahajo i Majk Mak-koł z Techasa — zajavili, što rasijskaja prapahanda prakrałasia ŭ myśleńnie niekatorych členaŭ Kanhresa.

Adkazvajučy na ​​pytańnie ab hetym śćviardžeńni, Zialenski skazaŭ, što jano prymianšaje prablemu rasijskaha ŭpłyvu ŭ takich demakratyčnych krainach, jak Złučanyja Štaty.

«U ich jość svaje łobi ŭsiudy: u ZŠA, u krainach ES, u Vialikabrytanii, u Łacinskaj Amierycy, u Afrycy, — skazaŭ Zialenski. — Kali my havorym pra Kanhres — vy zaŭvažajecie, jak jany [rasijskaja prapahanda] pracujuć z hramadstvam u Złučanych Štatach?»

«Jany prasoŭvajuć svoj naratyŭ praź ŚMI, — skazaŭ Zialenski, nie nazyvajučy kankretnych imionaŭ. — Heta nie rasijskija hramadzianie abo ŭradžency Rasii, nie. Heta pradstaŭniki peŭnych miedyjahrup, hramadzianie ZŠA. Mienavita jany vystupajuć u ŚMI z adpaviednymi paviedamleńniami, časam vielmi prarasijskimi».

Kamientary16

  • dog
    10.04.2024
    Tatalny idyjot , Tramp voobŝie-to bolšie pochož na idiota. Da tolko durak možiet rasčityvať na Amieriku:  v Korieje nie zakončili, iz Vjetnama i Afhanistana drapali, kurdam obieŝali čuť-li nie sojuz i tupo brosili.
  • Koka
    10.04.2024
    Tatalny idyjot , To bok zhvałtavanaja, jakoj u milicyi prapanujuć vyjści zamuž za hvałtaŭnika (takoje praktykujecca ŭ adstałych krainach), musić tak i zrabić? Pucin tady kožnyja 5 hod budzie adkusvać pa kvałku pakul da Čopu nie dojdzie
  • Maks
    10.04.2024
    Istierit kak školnica. Tramp jeŝio nie priezidient. Priezidient siejčas Bajdien. Vot jemu i zakatyvaj istieriki. Možieš, naprimier, sprosiť "hdie lendliz?". Čieho tut nie istieriš, kłoun?

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta7

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Usie naviny →
Usie naviny

Borys Džonsan raskazaŭ, u čym źmiest mirnaha płana Donalda Trampa pa Ukrainie7

Łukašenka: My «kinuli jakar» u Rasii i Kitai, ale treba znachodzić šlachi supracoŭnictva i ź ES4

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu12

Namieśnik kiraŭnika MZS Polščy nazvaŭ try ŭmovy narmalizacyi adnosin ź Minskam9

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

bolš čytanych navin
bolš łajkanych navin

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta7

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Hałoŭnaje
Usie naviny →