Łukašenka pryznaŭ, što biełaruskaja pradukcyja sastupaje rasijskaj pa jakaści i canie
Niahledziačy na toje, što bolš za 90% pradukcyi idzie na rynak Rasii, biełaruskija vytvorcy hublajuć tam pazicyi pa tradycyjnych tavarach, jakija zaŭsiody karystalisia popytam za svaju jakaść i nadziejnaść. Pra heta raspavioŭ Alaksandr Łukašenka na naradzie, pryśviečanaj pramysłovaści.
«Mnie dakładvajuć, što siońnia ajčynnaja pradukcyja sastupaje anałaham jak pa canie, tak i pa jakaści. Pa canie jašče možna patłumačyć. Ale čamu pa jakaści? Ekspart biełaruskich traktaroŭ u 2023 hodzie skaraciŭsia na 18 pracentaŭ. Dola našych traktaroŭ u rasijskim imparcie źniziłasia da minimalnych za apošniaje dziesiacihodździe 10,5 pracenta, hruzavych aŭtamabilaŭ — da 6 pracentaŭ», — pryvioŭ danyja Łukašenka.
Tyja ž pahroźlivyja tendencyi, pavodle jaho słoŭ, składajucca i na «Atłancie». Abjomy ekspartu chaładzilnikaŭ i marazilnikaŭ, jašče ŭčora zapatrabavanych, skaracilisia amal u dva razy.
Alaksandr Łukašenka pryznaŭ, što siońnia vielmi składana kankuryravać pa canie i z kitajskimi vytvorcami.
«Značyć, treba brać vyklučnaj jakaściu pradukcyi i zabieśpiačeńniem nieabchodnaha dla spažyŭca servisu, — skazaŭ jon. — My pavinny vyjści prykładna na japonski ŭzrovień jakaści».
Jon nazvaŭ niedapuščalnymi fakty, ab jakich dakładajuć śpiecyjalisty. Asabliva vypadki, kali novaja technika vychodzić sa stroju jašče da pačatku ekspłuatacyi.
Jon uzhadaŭ, što ciapier tak zvany Hod jakaści.
«U Hod jakaści (dy i zaŭsiody) vyrablenaja pradukcyja pavinna być na najvyšejšym uzroŭni. I nijak inakš», — skazaŭ jon.
«Damokłaŭ Mieč». Kanał «Biełorusskij siłovik» nastolki prarasijski, što mnohija mierkavali, što heta rasijanie jaho viaduć. Nie, za im staić supierahient Łukašenki25
Kamientary