Śviet66

U Izraili tysiačy ludziej vyjšli na pratest suprać premjer-ministra

U Izraili adbylisia šmattysiačnyja akcyi pratestu, udzielniki jakich patrabavali adstaŭki premjer-ministra Bińjamina Nietańjachu i vyzvaleńnia zakładnikaŭ, zachoplenych bajevikami CHAMAS padčas uvarvańnia na izrailskuju terytoryju roŭna paŭhoda tamu, piša Bi-bi-si.

Pratesty ŭ Tel-Avivie 6 krasavika 2024 hoda. Fota: AP Photo/Ariel Schalit

Demanstracyi ŭ Tel-Avivie i inšych haradach Izraila adbylisia paśla taho, jak izrailskija vajskoŭcy paviedamili ab viartańni cieła adnaho z zakładnikaŭ — Ełada Kacyra. U studzieni było apublikavana videa z žyvymi zakładnikami, u liku jakich byŭ i Kacyr.

Udzielniki demanstracyj skandavali «Vybary nieadkładna!» i «Prabač, Eład!».

Žychary, jakija vyjšli na vulicy, miarkujuć, što ŭrad Nietańjachu nie zdolny damahčysia vyzvaleńnia blizu 130 zakładnikaŭ, jakich CHAMAS usio jašče ŭtrymlivaje ŭ Hazie.

Siarod tych, chto ŭziaŭ udzieł u akcyjach pratestu, byli i svajaki zakładnikaŭ.

Siastra Kacyra Karmit Pałci Kacyr raźmiaściła ŭ fejsbuku post, u jakim zajaviła, što jaje brat moh by viarnucca dadomu žyvym, kali b ułady Izraila damovilisia ab pieramirji. «Našy lidary bajaźlivyja, i imi kirujuć palityčnyja mierkavańni. Tamu pahadnieńnia i niama, — ličyć jana. — Premjer-ministr, vajskovy kabiniet i členy kaalicyi! Pahladzicie na siabie ŭ lusterka i skažycie, što vašy ruki nie ŭ kryvi».

Pa danych arhanizataraŭ, u akcyjach pratestu pryniali ŭdzieł kala 100 tysiač čałaviek, pa inšych źviestkach, kolkaść udzielnikaŭ składała kala 45 tysiač.

Padčas demanstracyi ŭ Tel-Avivie ŭ natoŭp urezaŭsia aŭtamabil, u vyniku čaho paciarpieli piać čałaviek, kiroŭca byŭ aryštavany. U niekatorych vypadkach demanstracyi supravadžalisia sutyknieńniami z palicyjaj.

Tym časam u niadzielu ŭ Kairy pavinny pradoŭžycca pieramovy ab pieramirji ŭ siektary Haza. Pavodle niekatorych paviedamleńniaŭ, u kansultacyjach pamiž pradstaŭnikami Izraila i CHAMAS pavinny pryniać udzieł dyrektar CRU Uiljam Bierns i premjer-ministr Katara Machamied bin Abdułrachman al Tani.

U vyniku napadu CHAMAS na Izrail 7 kastryčnika 2023 hoda zahinuli kala 1200 izrailcian, pieravažnaja bolšaść ź ich — mirnyja žychary. Bajeviki taksama zachapili i pryvieźli ŭ Hazu 253 zakładnikaŭ, častka ź jakich była vyzvalenaja. Los 129 zachoplenych zastajecca nieviadomym. Prynamsi 34 zakładniki ličacca zahinułymi, izrailskija vajskoŭcy vyjavili cieły 12 ź ich.

Paśla ŭvarvańnia CHAMAS Izrail zajaviŭ, što maje namier źniščyć hrupoŭku CHAMAS i pačaŭ apieracyju ŭ siektary Haza. Pa źviestkach padkantrolnaha CHAMAS Ministerstva achovy zdaroŭja ankłava, z tych časoŭ u Hazie zahinuli bolš za 33 tysiačy čałaviek, mnohija ź ich — žančyny i dzieci.

Kamientary6

  • Turyst
    07.04.2024
    Nijakaha miru z CHAMASam, izrailcianie vyjšli suprać Nietańjachu, da teraktu jaho rejtynh byŭ nižej za 30%, zaraz užo nižej za 20%. Terakt staŭ poŭnym pravałam kabinietu Nietańjachu.
  • rom
    07.04.2024
    [Red. vydalena]
  • Žorž
    07.04.2024
    Boleje 30 000 ubitych mirnych palestinciev, bolšie 200 čiełoviek iz mieždunarodnych orhanizacij tožie ubito. bienia , vojujet s chamasom ili s palestincami? on dievalvirujet jevriejskoje hosudarstvo.

Stryžak pra Pratasieviča: Sa mnoj takoha adbycca nie mahło8

Stryžak pra Pratasieviča: Sa mnoj takoha adbycca nie mahło

Usie naviny →
Usie naviny

Paśla ŭrahanu biełarusy padali bolš za 10 tysiač zajavak u Biełdziaržstrach1

Pad Minskam busieł kupaŭsia ŭ voziery razam ź ludźmi VIDEA5

Biełaruś paćvierdziła rasstrelny prysud Kryhieru: «Hiermanii prapanavanyja kankretnyja rašeńni»7

Alaksiej Tałaj prapanavaŭ dać Łukašenku zvańnie Hieroja Biełarusi23

Zabojca polskaha sałdata na miažy ŭstanoŭleny. Jon usio jašče ŭ Biełarusi2

Što viadoma pra sudździu i prakurorku, jakija vynieśli śmiarotny prysud hramadzianinu Hiermanii3

Chłopiec źnik u lesie pad Siannom i znajšoŭsia tolki praz 25 hadoŭ. Jaho siastra raskazvaje, jak tak atrymałasia5

U Minsku raspačaŭsia «forum patryjotaŭ», pryśviečany 30-hodździu kiravańnia Łukašenki15

U centry Kijeva źnieśli siadzibu Zialenskich4

bolš čytanych navin
bolš łajkanych navin

Stryžak pra Pratasieviča: Sa mnoj takoha adbycca nie mahło8

Stryžak pra Pratasieviča: Sa mnoj takoha adbycca nie mahło

Hałoŭnaje
Usie naviny →