Śviet55

Samy hučny sudovy praces Kazachstana — eks-ministra ekanomiki abvinavačvajuć u žorstkim zabojstvie žonki ŭ restaranie

Sam abvinavačany svajoj viny nie pryznaje i śćviardžaje, što jana padčas svarki ŭpała i ŭdaryłasia hałavoj.

Kuandyk Bišymbajeŭ Kuandik Bišimbajev Kuandik Bishimbaev
Kuandyk Bišymbajeŭ na pasiadžeńni suda, 3 krasavika 2024 hoda. Skryn videatranślacyi Viarchoŭnaha suda Kazachstana na YouTube

Sudovy praces nad byłym ministram nacyjanalnaj ekanomiki Kazachstana Kuandykam Bišymbajevym staŭ adnoj z hałoŭnych tem, jakija abmiarkoŭvajucca ŭ hramadstvie, a pasiadžeńni suda tranślujucca anłajn. Mužčynu abvinavačvajuć u zabojstvie z asablivaj žorstkaściu svajoj hramadzianskaj žonki Sałtanat Nukienavaj.

Kuandyk i Sałtanat paznajomilisia ŭ 2022 hodzie. Ale ich adnosiny nie byli idealnymi. Žančyna skardziłasia svaim siabroŭkam, što Bišymbajeŭ biez padstavaŭ raŭnuje, pravakuje skandały i źbivaje jaje. Sałtanat šmat razoŭ sprabavała spynić suviaź.

Što adbyłosia

8 listapada 2023 hoda Sałtanat razam ź siabroŭkaj pajšła na kancert Dzimy Biłana, jaki prachodziŭ u centralnaj kancertnaj zali «Kazachstan». Razam ź imi pajšoŭ i Bišymbajeŭ. Tam jany pasvarylisia, ale paśla kancerta razam pajšli ŭ restaran, jaki naležyć stryječnamu bratu Bišymbajeva.

U restaranie svarka praciahnułasia. Žančyna zajaviła, što stamiłasia ad adnosin i choča syści. Ab hetym jana napisała svajmu bratu i paviedamiła, što pryjedzie da jaho.

Sam mužčyna na sudzie śćviardžaŭ, što jon šturchanuŭ Sałtanat, jakaja kinułasia na jaho ŭ prybiralni i parvała kašulu. Jon jaje adšturchnuŭ, i žančyna spačatku stuknułasia ab ścianu, a zatym tvaram ab unitaz. Mužčyna pasprabavaŭ jaje padniać, ale jana znoŭ upała, stuknułasia ab kafielnuju padłohu tvaram, a taksama «biłasia kaleniami ab padłohu i ścianu».

Paźniej, pa słovach mužčyny, jany spuścilisia na parkinh, sieli ŭ mašynu, ale nieŭzabavie znoŭ viarnulisia ŭ restaran. Tam žančyna jaho źniavažyła, za što atrymała čatyry aplavuchi. Kali Sałtanat upała, Bišymbajeŭ stuknuŭ jaje niekalki razoŭ i pačaŭ padymać za vałasy. Paśla hetaha jana spačatku sieła, a potym lahła na kanapu. Bišymbajeŭ loh pobač i zasnuŭ. A 10-j ranku jon pračnuŭsia i pazvaniŭ stryječnamu bratu Bachytdžanu Bajžanavu — uładalniku restarana — z prośbaj advieści ich dachaty. Ale žančynu nie atrymałasia razbudzić.

Sałtanat Nukienava Ceremony Nukenava Sałtanat Nukienova
Sałtanat Nukienava. Fota z staronki ŭ instahramie jaje brata Ajtbieka Amanhieldy

Paźniej Bišymbajeŭ i sam zasnuŭ. Pračnuŭsia a 13-j hadzinie i paprasiŭ Bajžanava raspuścić piersanał i vydalić usie zapisy ź videakamier. Pa jaho słovach, apošniaje było zroblena dla taho, kab paźbiehnuć trapleńnia videa ŭ internet.

Akramia hetaha, viedajučy, što brat Sałtanat adsočvaje jaje pieramiaščeńnie pa hieałakacyi telefona, jon daručyŭ stvaryć sabie alibi. Dla hetaha jon paprasiŭ Bajžanava advieści telefon dziaŭčyny da ich dachaty, zajechaŭšy pa darozie ŭ fitnes-centr i kancertnuju zału. Heta mužčyna patłumačyŭ žadańniem paźbiehnuć novaha kanfliktu.

Pa słovach Bišymbajeva, u 18:30 jon znoŭ pasprabavaŭ razbudzić Sałtanat i zrazumieŭ, što jana chałodnaja. Tady jon paprasiŭ brata vyklikać chutkuju.

Što pakazała śledstva

Ale słovy Bišymbajeva abviarhajuć śledčyja. Jak jany vyśvietlili, mužčyna na praciahu niekalkich hadzin źbivaŭ žančynu. Spačatku nanosiŭ udary kułakami pa hałavie, a paźniej, kali jana ŭpała, praciahnuŭ bić nahami. Žančyna schavałasia ŭ adnoj z VIP-kabinak. Ale jon vybiŭ dźviery i praciahnuŭ źbićcio. Zatym pačaŭ dušyć, ad čaho Sałtanat straciła prytomnaść.

Pavodle spravazdačy prakurora, 31-hadovaja žančyna pamierła ad čerapna-mazhavoj traŭmy; adna ź jaje nasavych kostak była złamanaja, a na tvary, hałavie, rukach i kiściach byli množnyja siniaki.

Na kadrach z kamier videanazirańnia vidać, jak Bišymbajeŭ bje nahami žančynu, jakaja lažyć na padłozie, a zatym padymaje za vałasy i daje aplavuchu.

Sa słoŭ dziaržabvinavaŭcy, pryjechaŭšy, Bajžanaŭ ubačyŭ Nukienavu, jakaja znachodziłasia ŭ nieprytomnym stanie. Pa prośbie Bišymbajeva žančynu padniali i pakłali na kanapu. Praź niekalki hadzin Bajžanaŭ vyjaviŭ, što Nukienava pamierła.

U toj ža dzień Bišymbajeva zatrymali. Pa vynikach ekśpiertyzy, paboi byli atrymanyja za 6-14 hadzin da śmierci. U cełym, pa viersii śledstva, Bišymbajeŭ źbivaŭ žonku na praciahu 8 hadzin.

Hienieralnaja prakuratura Kazachstana paviedamiła, što 43-hadovamu Bišymbajevu pradjaŭlena abvinavačańnie ŭ zabojstvie z asablivaj žorstkaściu, jamu pahražaje da 20 hadoŭ pazbaŭleńnia voli.

Spravu razhladaje sud prysiažnych. Jon pačaŭsia 27 sakavika. Na sudzie Bišymbajeŭ zajaviŭ, što nie pryznaje siabie vinavatym u zabojstvie.

Šmat chto z žycharoŭ Kazachstana ličać, što Bišymbajeŭ jak pradstaŭnik bahataj i ŭpłyvovaj elity krainy zdoleje paźbiehnuć pakarańnia, navat kali i budzie pryznany vinavatym. I padstavy dla takich dumak jość. U 2017 hodzie Bišymbajeŭ atrymaŭ 10 hadoŭ pa abvinavačvańni ŭ chabary, ale mienš čym praz dva z pałovaj hady vyjšaŭ na svabodu pa amnistyi.

Čytajcie jašče:

Na Viciebščynie raskryli zabojstva, jakoje adbyłosia 25 hod tamu

«Vynieśli ŭsio, až da zubnoj pasty». Biełarusku va Urocłavie ŭdaryli pa hałavie i načysta abrabavali 

U Hrodnie ŭ domie znojdzieny miortvymi muž i žonka

Kamientary5

  • Karpienkov
    06.04.2024
    Etoprorosšije siemiena Nazarbajeva. Prorastajut siemiena i Škłovskoho. Poka baskovy i ejsmanty krov puskajut, no podrasipiut i ich dietki.
  • Chomosovietikus
    06.04.2024
    Karpienkov, 100%. Zołotaja su..a mołodiož. O..ujeli ot vsiedozvolenosti. Na važnyje dla błahopołučija hosudarstva dołžnosti po naśledstvu "naznačieny". Takoje žie hosudarstvo i v Biełarusi siejčas strojat
  • 1
    06.04.2024
    Hety čałaviek musić być za kratami da kanca žyćcia.

Marzaluk: U luboj škole, u tym liku ŭ ruskamoŭnaj, historyju Biełarusi i hieahrafiju treba vykładać pa-biełarusku13

Marzaluk: U luboj škole, u tym liku ŭ ruskamoŭnaj, historyju Biełarusi i hieahrafiju treba vykładać pa-biełarusku

Usie naviny →
Usie naviny

Biaźvizam u Biełaruś pieršym skarystaŭsia hramadzianin Hiermanii9

Zianon Paźniak vydaŭ čarhovuju knihu19

U čornych busłoŭ u Biełarusi stała vyvodzicca bolš ptušaniat. U čym pryčyna?

Stryžak raskazaŭ, jak zmoh tak pachudzieć8

Padrabiaznaści teraktu Kryhiera pad Aziaryščam — razburanyja špały i nivodnaha paranienaha10

Ryka Kryhier nie staŭ abskardžvać śmiarotny prysud — jon ustupiŭ u siłu2

Zavočna buduć sudzić Antona Matolku — jamu zakidajuć 17 artykułaŭ, u tym liku zdradu dziaržavie8

Źjaviłasia jašče niekalki FOTA z suda nad Ryka Kryhieram

Polski turyst pryjechaŭ u Biełaruś i raschvaliŭ jaje na ŭsie łady. Jon akazaŭsia nieanacystam14

bolš čytanych navin
bolš łajkanych navin

Marzaluk: U luboj škole, u tym liku ŭ ruskamoŭnaj, historyju Biełarusi i hieahrafiju treba vykładać pa-biełarusku13

Marzaluk: U luboj škole, u tym liku ŭ ruskamoŭnaj, historyju Biełarusi i hieahrafiju treba vykładać pa-biełarusku

Hałoŭnaje
Usie naviny →