Mikita Michałkoŭ raskazaŭ, što rasijskich artystaŭ prymušajuć jeździć na Danbas dziela karjery
Kažuć tak: «Davaj ty źjeździ i tady budzieš vystupać na kancertach».
U intervju TASS režysior Mikita Michałkoŭ paviedamiŭ, što niekatorych artystaŭ vymušajuć jeździć u špitali da paranienych va Ukrainie rasijskich vajskoŭcaŭ. Pavodle słoŭ Michałkova, muzykanty robiać heta, kab «pradoŭžyć svaju karjeru» ŭ Rasii, zaŭvažyła «Nastojaŝieje vriemia».
«Niechta jedzie tudy, bo jamu pastavili ŭmovu. I tady takija pajezdki, ja liču, škodnyja. Bo heta niespraviadliva ŭ adnosinach da našych voinaŭ. Ja dumaju, što ŭ hetym vypadku absalutna zhubna načalnikam kazać: «Davaj ty źjeździ i tady budzieš vystupać na kancertach», — skazaŭ režysior.
Jon zaznačyŭ, što niekatoryja vykanaŭcy, sapraŭdy, jeździli ŭ pryfrantavuju zonu pa svajoj inicyjatyvie. Adnym z takich artystaŭ Michałkoŭ nazvaŭ Ryhora Lepsa.
«Jaho nie prymusili, jamu nie skazali «abo-abo», jak mnohim inšym», — dadaŭ Mikita Michałkoŭ.
Raniej niekatoryja ŭdzielniki «hołaj viečarynki» Naści Iŭlejevaj pajechali na Danbas, kab adnavić svaju reputacyju. Naprykład, śpiavak Dzima Biłan u siaredzinie studzienia naviedaŭ dziciačuju balnicu ŭ Daniecku, pryvioz kandycyjaniery ŭ dziciačy centr u Horłaŭcy, zrabiŭ achviaravańnie miascovamu prytułku dla biazdomnych žyvioł, a taksama paabiacaŭ dapamahčy z pratezami ŭdzielnikam bajavych dziejańniaŭ i mirnym žycharam.
Prapahandysty zajavili pra razhrom sietki salidarnaści i aryšt jaje ŭdzielnikaŭ8
Kamientary