Zatoje tam salidnyja vypłaty vieteranam.
U 2024 hodzie Kazachstan znoŭ nie budzie pravodzić vajenny parad u honar Dnia abaroncy Ajčyny (u krainie adznačajecca 7 maja) i Dnia Pieramohi z-za ekanomii biudžetnych srodkaŭ, piša Tengrinews.kz
«Pryjarytetnym źjaŭlajecca padtrymańnie patrabavanaha ŭzroŭniu bojehatoŭnaści i mabilnaści padraździaleńniaŭ Uzbrojenych cił Kazachstana», — paviedamili vydańniu ŭ vajennym viedamstvie krainy.
U 2023 i 2022 hadach Kazachstan nie pravodziŭ parad pa anałahičnych pryčynach, a ŭ 2020-2021 hadach parad admianiali z-za pandemii karanavirusu.
Kiraŭnik Minabarony Rusłan Žaksyłykaŭ u krasaviku 2022 hoda raspaviadaŭ, što adzin parad abychodzicca krainie bolš čym u 4 młrd tenhie (amal 9 miljonaŭ dalaraŭ).
Jon kazaŭ, što dla realizacyi mierapryjemstva nieabchodna brać biudžetnyja srodki, jakija buduć nakiravanyja na haruča-zmazačnyja materyjały (HZM), kamandzirovačnyja vydatki, charčavańnie sałdat.
«I my paličyli, što ŭ hetaj situacyi — my tolki vučeńni skončyli — što było važniej: pravieści vučeńni i pravierku našaj bajavoj hatoŭnaści ci ž zajmacca paradam?» — tłumačyŭ kiraŭnik vajennaha viedamstva Kazachstana.
Zatoje u Kazachstanie samyja vysokija vypłaty vieteranam u SND. Letaś na kožnaha vieterana prypadała pa 1,5 miljona tenhie (siońnia heta prykładna 3350 dalaraŭ).
U Biełarusi invalidam i ŭdzielnikam vajny da 9 Maja vypłaciać pa 4000 rubloŭ, na siońnia heta 1230 dalaraŭ.
Pašpart Novaj Biełarusi pačnuć vydavać z 26 studzienia. Što viadoma i jak atrymać?9
Kamientary