Vajna88

Biełaruskija chakiery dapamahajuć rasijskim śpiecsłužbam vieści kibierataki na Ukrainu

U Słužbie biaśpieki Ukrainy zajavili, što Rasija rychtujecca da pieršaj suśvietnaj kibiervajny, i ŭžo ciapier rasijanam u hetym dapamahajuć chakiery ź Biełarusi, piša «Radyjo Svaboda».

Načalnik departamentu kiberbiaśpieki Słužby biaśpieki Ŭkrainy Illa Viciuk
Načalnik departamenta kibierbiaśpieki Słužby biaśpieki Ukrainy Illa Viciuk

«U Rasii zapuščanaja, jak ja heta nazyvaju, nacyjanalnaja kibiernastupalnaja prahrama. Jany, aproč taho, što nabirajuć i pašyrajuć štat chakierskich padraździełaŭ va ŭłasnych śpiecsłužbach, taksama ažyćciaŭlajuć vierbavalnuju i navučalnuju kampanii», — paviedamiŭ načalnik departamenta kibierbiaśpieki Słužby biaśpieki Ukrainy Illa Viciuk u intervju infarmacyjnamu ahienctvu «Ukrinform».

Pavodle jaho, aficery Hałoŭnaha raźviedvalnaha ŭpraŭleńnia i Fiederalnaj słužby biaśpieki Rasii pracujuć u vajskovych navučalnych ustanovach, dzie jość IT-śpiecyjalnaści, a taksama ŭ cyvilnych politechničnych univiersitetach, u jakich uvodziacca śpiecyjalnyja kibiernastupalnyja dyscypliny dla studentaŭ starejšych kursaŭ.

«Ich kankretna vučać, jakim čynam atakavać abjekty krytyčnaj infrastruktury. Heta tyčycca nie tolki Ukrainy. Vyvučajuć śpiecyfiku roznych krain NATA, krain Blizkaha Uschodu — dziaržaŭ, ź jakimi patencyjna Rasija płanuje ci pradbačyć mahčymaść vajennych dziejańniaŭ. Kali ciapier u nas adbyvajecca pieršaja kibiervajna, to Rasija paralelna rychtujecca i da pieršaj suśvietnaj kibiervajny. Jany vielmi surjozna hetym zajmajucca», — skazaŭ Illa Viciuk.

Pradstaŭnik SBU dadaŭ, što na baku Rasii pry ažyćciaŭleńni kiberatak na Ukrainu dziejničała biełaruskaja chakierskaja hrupoŭka Ghostwriter.

«U biełarusaŭ jość chakierskaja hrupoŭka Ghostwriter, jakuju my nieadnarazova fiksavali. Ale i jany — heta nie bolš za adzin adsotak ad usioj kolkaści atak. My nieadnarazova ich adbivali i razumiejem, jakuju infrastrukturu jany vykarystoŭvajuć. U kancy 2022 hodu śpiecsłužby Biełarusi nakiroŭvali svaich chakieraŭ na stažyroŭku ŭ Rasiju. U ich byli supolnyja vučeńni, treniroŭki, ale vaha biełarusaŭ u kibiervajnie niaznačnaja», — paviedamiŭ Illa Viciuk.

Pavodle jaho, Słužba biaśpieki Ukrainy vyśvietliła asoby bolšaści biełaruskich chakieraŭ.

«Bolšuju častku imionaŭ viedajem, ale raskazvać publična nie varta. SBU viadzie aktyŭnyja kontraraźviedvalnyja zachady, i ŭ vypadku abnarodavańnia imionaŭ hetych supracoŭnikaŭ mohuć pieramiaścić, jany źmieniać svaje źviestki, a heta pieraškodzić našaj pracy. Vajna praciahvajecca, tamu nielha raskryvać svaje kozyry», — patłumačyŭ Viciuk.

U listapadzie 2021 hoda z dakładu kampanii Mandiant, jakaja zajmajecca kibierbiaśpiekaj i znachodzicca ŭ ZŠA, stała viadoma, što Biełaruś z 2016 hoda ŭciahnutaja ŭ chakierskuju i dezynfarmacyjnuju kampaniju ŭ kibierprastory suprać uschodniejeŭrapiejskich krain NATA.

U pryvatnaści, admysłoŭcy vyjavili śviedčańni taho, što Biełaruś rabiła kibierataki, u tym liku suprać parłamientaryjaŭ Hiermanii, špijoniła za apazicyjanierami i vykradała kanfidencyjnuju infarmacyju.

U dakładzie fihuravała chakierskaja hrupa UNC115, źviazanaja ź biełaruskimi vajskoŭcami, jakuju jašče nazyvajuć Ghostwriter.

Pierad pačatkam rasijskaha vajennaha ŭvarvańnia va Ukrainu hetaja hrupoŭka ŭziała na siabie adkaznaść za ataku 14 studzienia 2022 hoda, kali na sajtach ukrainskich uradavych ustanoŭ byli apublikavanyja paviedamleńni z pahrozaj ukraincam «bajacca i čakać najhoršaha».

Pierad hetaj atakaj biełaruskija chakiery ŭ intaresach Rasii atakavali Litvu, Łatviju, Polšču i Ukrainu.

Kamientary8

  • Irpień
    05.04.2024
    Nu, hetyja ž.py ich i absciravali, i bienzin im zalivali, i aeradromy dla bambiožak pa Ukrainie dali
  • Mar
    05.04.2024
    [Red. vydalena]
  • babrujčanin
    05.04.2024
    Irpień, A kolki ŭ ciabie ŭ Irpienie atoŭcaŭ vietieranaŭ zdavali a pobač A dalej?A u 14 hodzie ŭ Krymu sbU 97 % miantoŭ99 % vajsvovych 87 % na bok rf pieribiehli i zaraz z svaim vajujuć? Tatary ŭ Krymu z 14 pa 22 i rubčiki prymali i rosturistaŭ čakali)) A biełarusy pavinny kidacca " pad tanki" ? Tyja jakija kidaliś zahinuli za Vas..Udziačnaść ad Vas paklep dziaŕmo razburany memariał ..Razpaviadajecie ŭsialakuju chu.." bačył niechta čuł niechta " Nivodnaha fakta .Nach..suuusied

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Usie naviny →
Usie naviny

Łukašenka: My «kinuli jakar» u Rasii i Kitai, ale treba znachodzić šlachi supracoŭnictva i ź ES4

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu12

Namieśnik kiraŭnika MZS Polščy nazvaŭ try ŭmovy narmalizacyi adnosin ź Minskam9

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam9

bolš čytanych navin
bolš łajkanych navin

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Hałoŭnaje
Usie naviny →