Hienierał FSB u adstaŭcy prahnazuje, što ŭkraincam udasca vyjści nazad da Azoŭskaha mora
Jak miarkuje hienierał Jaŭhienij Sievaśćianaŭ, Ukraina zdolnaja da kontrataki i zachopu Pryčarnamorja, a mahčyma, i častki Pryazoŭja.
Ab hetym u intervju rasijskamu palityku Kanstancinu Baravomu, jaki žyvie ŭ ZŠA, zajaviŭ namieśnik kiraŭnika administracyi Barysa Jelcyna ŭ 1996—1998 hadach, načalnik upraŭleńnia KDB pa Maskvie i Maskoŭskaj vobłaści paśla putču HKČP u 1991 hodzie Jaŭhien Savaśćianaŭ.
«Najbolš vierahodnaje raźvićcio padziej — Ukrainie ŭsio ž atrymajecca adbicca, atrymajecca zavałodać pryčarnamorskaj zonaj i, moža być, navat častkaj pryazoŭskaj zony. Z hetych pazicyj, mahčyma, budzie dasiahnuta spynieńnie vajennych dziejańniaŭ.
U ramkach pieramovaŭ na dalokuju budučyniu moža pajści havorka ab tym, kab, pryznaŭšy suvierenitet Ukrainy nad usioj jaje terytoryjaj, Rasija na niejki termin pahodzicca arandavać častku terytoryj — pałovu Kryma, častku Danbasa i Łuhanska.
Tym bolš srodkaŭ na adnaŭleńnie Danbasa i Łuhanska spatrebicca niamierana. Ja dumaju, što tut mohuć z zadavalnieńniem pierakłaści zadaču adnaŭleńnia hetych rehijonaŭ na plečy Rasii», — skazaŭ Savaśćianaŭ i dadaŭ, što ŭ jaho niama sumnievaŭ u tym, što pry pastupleńni ŭ dastatkovaj kolkaści ŭzbrajeńnia Ukrainie jana vielmi chutka vyrašyć prablemu paŭdniovaha frontu.
Čytajcie jašče:
Ukraina naroščvaje vytvorčaść ułasnaj zbroi, ale ci dastatkova chutka?
Zialenski raskazaŭ, jak Ukraina prymienić dalnabojnyja rakiety ATACMS
U ZŠA stali mienš bajacca, što pieradača ATACMS Ukrainie raśćvialić Pucina
Taćciana Zareckaja bolš nie estonskaja startapierka. Ciapier jana sprabuje stać pasiarednicaj inviestaraŭ u Saudaŭskaj Aravii13
Kamientary