Vajna22

U ZŠA stali mienš bajacca, što pieradača ATACMS Ukrainie raśćvialić Pucina

Staršynia Abjadnanaha kamiteta načalnikaŭ štaboŭ ZŠA Čarlz Braŭn zajaviŭ, što ryzyki eskałacyi vajny, źviazanyja z pastaŭkaj dalnabojnych rakiet ATACMS Ukrainie, siońnia źmienšylisia ŭ paraŭnańni z tym, jakimi jany byli raniej. Pra heta Braŭn skazaŭ pierad žurnalistami 29 sakavika, piša «Jeŭrapiejskaja praŭda» na padstavie materyjałaŭ amierykanskaj presy.

Zdymak ilustracyjny. Fota: John Hamilton/U.S. Army via AP

Čarlz Braŭn adznačyŭ, što strymany adkaz Rasii na sieryju niadaŭnich napadaŭ ukrainskich bieśpiłotnikaŭ na abjekty, što znachodziacca na jaje terytoryi, dazvoliŭ Pientahonu skarektavać svoj analiz eskałacyjnaj ryzyki praz adpraŭku ATACMS.

«Heta toje, na što my… źviartajem uvahu. Jakaja vierahodnaść eskałacyi na asnovie… roznych mahčymaściaŭ i roznych dziejańniaŭ», — skazaŭ hienierał.

Ahladalniki i niekatoryja zakanadaŭcy-respublikancy raniej nastojvali na tym, kab Złučanyja Štaty nakiravali rakiety ATACMS Kijevu, pakolki heta dazvoliła b ukrainskim siłam stvarać niebiaśpieku dla rasijskich pazicyj, uklučajučy raźmieščanyja ŭ daŭno anieksavanym Krymie. Vykarystańnie hetych rakiet abciažaryła b prasoŭvańnie Rasii, pakolki Ukraina mahła b praciahvać nanosić udary navat pa najbolš umacavanych rasijskich pazicyjach praktyčna ź luboha miesca.

Niekatoryja ahladalniki havorać, što kali Kanhres ZŠA nie prymie dadatkovy pakiet dapamohi Ukrainie na 60 młrd dalaraŭ, Rasieja moža zachapić bolš terytoryj užo hetaj viasnoj. Čarlz Braŭn zaklikaŭ da chutkaha pryniaćcia pakieta padtrymki i skazaŭ, što Ukraina sutykniecca z praciaham artyleryjskich abstrełaŭ u ahladnaj budučyni.

Jon, adnak, taksama adznačyŭ, što aściarohi z nahody maštabnaha viasnovaha rasijskaha nastupu mohuć być pierabolšanymi.

«Ja nie viedaju, ci zmohuć rasiejcy pravieści vialiki nastup. Kali hladzieć… što adbyłosia ciaham… minułaha hoda, to rasiejcy faktyčna kinuli šmat mahčymaściaŭ i asabovaha składu, sistem uzbrajeńnia i transpartnych srodkaŭ, kab atrymać toje, što jany atrymali. I, jak ja b skazaŭ, heta amal miasarubka», — adznačyŭ Braŭn.

Niadaŭna ŚMI paviedamlali, što Pientahon hatovy pieradać Ukrainie dalnabojnyja rakiety ATACMS dalokaściu bolš za 180 milaŭ (prykładna 290 km). Adnak aficyjna ŭ Pientahonie hetaha nie paćvierdzili.

Na pres-kanfierencyi ŭ lutym prezident Ukrainy Uładzimir Zialenski raskazaŭ, što maje stanoŭčy nastroj adnosna mahčymaj pastaŭki dalnabojnaj zbroi, u pryvatnaści ATACMS, paśla apošnich pieramoŭ z zachodnimi partniorami.

Kamientary2

  • PadŚviadomy
    29.03.2024
    To niachaj pampiersy pamianiajuć, kab kamfortniej trampu ŭ rot hladzieć było
  • Achchacha
    30.03.2024
    PadŚviadomy, zdavałasia b, pryčym tut Tramp, jaki nie maje da haniebna kvołaj dvuchhadovaj dapamohi nijakaha dačynieńnia… Ale ž rasprapahandavany duračok zaŭsiody znojdzie suviaź. 

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Usie naviny →
Usie naviny

Jak źmianić biełaruskija numary na litoŭskija. Što treba i kolki kaštuje pracedura?15

Iryna Faryjon pamierła ŭ balnicy15

Stary paplečnik Łukašenki paraŭnaŭ jaho z ajatałoj Chamiejni. Paraŭnańnie tak sabie2

Na Miency raskapali ŭžo try rady hakavych draŭlanych kanstrukcyj FOTA3

16-hadovaja biełaruska ŭpała z šostaha paviercha ŭ Varšavie

Iryna Abielskaja stała zasłužanaj doktarkaj17

Połk Kalinoŭskaha aficyjna paćvierdziŭ zamienu svajho kamandzira i zajaviŭ pra refarmavańnie20

Polšča raspačała palavańnie na kampanii, jakija abychodziać sankcyi suprać Biełarusi i Rasii1

Łukašenka zahadaŭ adpraŭlać na likvidacyju nastupstvaŭ urahanu palitźniavolenych18

bolš čytanych navin
bolš łajkanych navin

Niemiec, prysudžany da rasstrełu, datyčny da dyviersij? Voś što za historyja heta mahła być6

Niemiec, prysudžany da rasstrełu, datyčny da dyviersij? Voś što za historyja heta mahła być

Hałoŭnaje
Usie naviny →