Ekanomika11

Batončyk «Zariadiś» i maładziečanski «Rakforci». Jakija biełaruskija pradukty možna kupić u kramach zamiest impartnych?

Palicy biełaruskich kramaŭ praciahvajuć papaŭniacca biełaruskimi anałahami zamiežnych brendaŭ, jakija spynili supracoŭnictva z našaj krainaj paśla pačatku poŭnamaštabnaj vajny va Ukrainie. Vypusk niejkaj pradukcyi ajčynnyja vytvorcy asvoili ŭžo daŭno, a niešta tolki źjaviłasia ŭ prodažy. Myfin.by skłaŭ top-10 samych cikavych, na jaho pohlad, praduktaŭ, jakija ciapier vyrablajuć u Biełarusi zamiest impartnych.

Fota ilustracyjnaje

Biełaruski parmiezan

Jaho vypuskajuć niekalki biełaruskich vytvorcaŭ, i mnohija robiać heta daŭno. Naprykład, «Parmiezan de luks» 45% vytrymany (9 miesiacaŭ) va ŭpakoŭcy 250 h pa canie 12,87 rub. (za 1 kh — 51,48 rub.) vypuskajuć na AAT «Małočny śviet» u Hrodnie.

U inšaj handlovaj sietcy na pryłaŭkach vyjaŭleny parmiezan, vyrableny Vierchniadźvinskim masłasyrzavodam. Cana za 180 h — 9,50 rub., 1 kh kaštuje 52,78 rub.

Fota: Myfin.by

Syry z błakitnaj ćvillu

Syr «Rakforci» — heta anałah znakamitaha syru rakfor, jaki źjaŭlajecca samym viadomym u śviecie syram z błakitnaj ćvillu. Biełaruski pradukt vypuskaje AAT «Maładziečanski małočny kambinat». Cana za 1 kh składaje 57,57 rub.

Syr Templier z błakitnaj ćvillu vyrablajecca tam ža. Cana — ad 65 rub. da 70 rub. za 1 kh.

Fota: Myfin.by

Zamarožanaja harodnina

Jašče niekalki hadoŭ tamu ŭ asartymiencie zamarožanaj harodniny było šmat polskaj pradukcyi, siońnia jaje vielmi mała. U asnoŭnym ciapier u hetym adździele paŭfabrykaty rasijskich vytvorcaŭ, ale jość i biełaruskija.

U kramach znajšlisia pački sumiesi zamarožanaj harodniny z takimi nazvami, jak Mexico, «Italjana», «Viasnovaja», «Harodnina pa-turecku» i inšyja, ad TAA «Pravitbieł» z Navahrudka. Cana upakoŭki 400 h — kala 4-5 rub.

Fota: Myfin.by

Chamon

Što prapanavali biełarusam zamiest impartnaha chamona? Vytvorčaść ispanskaha dalikatesu naładzili na troch pradpryjemstvach: na Biarozaŭskim miasakansiervavym kambinacie, a taksama Hrodzienskim i Pinskim miasakambinatach. Siaredniaja cana — 60 rub. za 1 kh.

Fota: Myfin.by

Viandlina prašuta

Prašuta — heta italjanskaja viandlina, zroblenaja z kumpiaka, naciortaha sollu. Siońnia takaja pradukcyja ŭ Biełarusi vypuskajecca na Hrodzienskim miasakambinacie. U adnoj z handlovych sietak znajšli impartazamiaščalnaje prašuta pa canie 35 rub. za 1 kh.

Fota: Myfin.by

Piesta

Raniej na pryłaŭkach kram byŭ u asnoŭnym italjanski sous piesta. Ciapier možna sustreć i biełaruski. Jaho vypuskajuć niekalki vytvorcaŭ.

Znajšoŭsia taki pad brendam Zajamnae ad «Biełmiaspraminviesta». Vytvorca adznačaje, što sous piesta vyrableny z bazilika hatunku Dženavieze pa tradycyjnym italjanskim recepcie, a taksama ŭ składzie śviežaja zielanina, vytrymany ćviordy syr typu parmiezan i absmažanyja arechi.

Za słoičak jomistaściu 190 h nieabchodna budzie zapłacić 7,49 rub.

Fota: Myfin.by

Dziciačaje charčavańnie

U ramkach prahramy impartazamiaščeńnia pašyryŭsia asartymient miasnych kansiervaŭ dla dziciačaha charčavańnia na Aršanskim miasakambinacie. Słoički ad AMKK sa źvieraniatami bieź ciažkaściaŭ znajšlisia na pryłaŭkach mnohich kram.

Što tyčycca cany, to adna blašanka takoj kansiervy ŭ zaležnaści ad raznavidnaści kaštuje kala 2-3 rub.

Fota: Myfin.by

Želejnyja cukierki

Pavodle danych statystyki, jašče niekalki hadoŭ tamu bolšaja častka (kala 70%) žavalnaha marmieładu, pradstaŭlenaha na biełaruskim rynku, była impartnaj pradukcyjaj. Siońnia situacyja pamianiałasia.

U apošni čas u kramach možna znajści biełaruski anałah niamieckich želejnych cukierak Haribo ad «Słodyč» («Žiełajki», «Supierčierviački», «Ježiemalina»).

Pašyryŭsia asartymient marmieładu i na «Čyrvonym charčaviku». Mnohija marmieładki, naprykład, cukierki «Miedźviedzianiaty», nahadvajuć pradukcyju niamieckaj kampanii. Kaštuje biełaruski słodyč kala 2 rub.

Fota: Myfin.by

Šakaładnyja batončyki «Zariadiś»

Takija šakaładnyja batončyki z salonaj karamiellu, arachisam i mindalem, čymści padobnyja na ŭsim viadomy Snickers, vyrablaje fabryka «Kamunarka». Cana — 1,52 rub., znajšli ich u prykasavaj zonie supiermarkieta.

Fota: Myfin.by

Pasta

«Čyrvony charčavik» vypuściŭ arechavuju pastu halWOW z funduka i kakavy. U samoj kampanii jaje nazyvajuć hodnym prykładam impartazamiaščeńnia italjanskaj pasty Nutella.

Słoičak biełaruskaj pasty (abjom 300 h) kaštuje kala 12,5 rub., pa canie jana dakładna bolš dastupnaja, čym impartnaja.

Fota: Myfin.by

Kamientary1

  • :/
    30.03.2024
    "socialno značimyj tovar" (sm. druhoje fota)
    heta peŭna dla tych buhajoŭ, što vychodziać na piensiju ŭ 45, žyvuć za košt pracoŭnaha naroda dy jašče i źbivajuć jaho

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET6

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET

Usie naviny →
Usie naviny

Maryja Vasilevič narešcie znajšła pracu. Ź jaje sprabujuć zrabić zamienu Malavanyču14

Dyjasparam pišuć boty i prapanujuć ustupić u Połk Kalinoŭskaha. Raskazvajem, što adbyvajecca i jak abaranicca12

Muzyka Ihar Bancar užo kala hoda bamžuje ŭ Varšavie FOTY30

U Pietrykaŭskim rajonie mužčyna niekalki hadoŭ hulaŭ z sudovymi vykanaŭcami ŭ dahaniałki. Ale ŭrešcie prajhraŭ1

«Dziakuj vam za syna Mikałaja». Boty atrymali novuju mietadyčku adnosna Abielskaj22

Stała viadoma, chto abaraniaŭ Ryka Kryhiera2

Jak Bajden prymaŭ rašeńnie admovicca ad udziełu ŭ vybarach prezidenta ZŠA. Chronika vychodnych1

Rasijski śled u šalona papularnaj hulni Hamster Kombat usio bolš vidavočny1

Na jakich umovach biełarusy mohuć atrymać hramadzianstva Ispanii, Partuhalii, Hiermanii i inšych krain13

bolš čytanych navin
bolš łajkanych navin

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET6

Polšča i Biełaruś viaduć pieramovy ab vyzvaleńni Pačobuta. Jak nie budzie vyniku — zakryjuć miežy — Radio ZET

Hałoŭnaje
Usie naviny →