Astraviec, Stolin, Žabinka — rejtynh biełaruskich haradoŭ, u jakich nasielnictva pavialičvajecca nasupierak usiamu
U 2023 hodzie ŭ Biełarusi naličyłasia 23 harady ci haradskija pasiołki ŭ statusie rajcentraŭ, u jakich kolkaść nasielnictva vyrasła nasupierak ahulnym tendencyjam.
Najbolšy pryrost byŭ u Hrodnie (+2398).
Taksama istotna pavialičyłasia nasielnictva Bresta i Žabinki, jakuju ličać spadarožnikam abłasnoha centra (ahułam +2196).
Jašče ŭ adnu hrupu možna vyłučyć harady i pasiołki ŭ vakolicach Minska — Smalavičy, Fanipal i Mačuliščy ahułam vyraśli na 1452 čałaviek. I heta biez uliku Kopišča, jakaja ličycca vioskaj na 18 tysiač žycharoŭ, i ahraharadka Kałodziščy, dzie žyvie bolš za 20 tysiač biełarusaŭ.
Usie astatnija harady, raskidanyja pa Biełarusi, dadali jašče 1200 čałaviek — ź ich vyłučajecca atamny Astraviec (+311). Ad momantu pačatku budaŭnictva AES nasielnictva vyrasła amal udvaja i ŭžo pieravysiła 15 tysiač čałaviek.
| 2023 | 2024 | Roźnica | ||
| 1 | Hrodna | 358717 | 361115 | 2398 |
| 2 | Brest | 342461 | 344470 | 2009 |
| 3 | Smalavičy | 21820 | 22679 | 859 |
| 4 | Fanipal | 17768 | 18252 | 484 |
| 5 | Astraviec | 14805 | 15116 | 311 |
| 6 | Stolin | 13550 | 13785 | 235 |
| 7 | Žabinka | 14231 | 14418 | 187 |
| 8 | Pietrykaŭ | 10303 | 10401 | 98 |
| 9 | Stoŭbcy | 17640 | 17737 | 97 |
| 10 | Vysokaje | 4843 | 4913 | 70 |
| 11 | Vialikaja Bierastavica (h.p.) | 5665 | 5728 | 63 |
| 12 | Niaśviž | 15907 | 15968 | 61 |
| 13 | Łahojsk | 15515 | 15565 | 50 |
| 14 | Łuniniec | 23548 | 23592 | 44 |
| 15 | Čačersk | 8885 | 8927 | 42 |
| 16 | Hłybokaje | 17707 | 17746 | 39 |
| 17 | Čerykaŭ | 7774 | 7800 | 26 |
| 18 | Biešankovičy (h.p.) | 6884 | 6904 | 20 |
| 19 | Dubroŭna | 6909 | 6929 | 20 |
| 20 | Mijory | 7815 | 7835 | 20 |
| 21 | Naroŭla | 8352 | 8371 | 19 |
| 22 | Červień | 10542 | 10545 | 3 |
| 23 | Lida | 103915 | 103916 | 1 |
*Mačuliščy — haradski pasiołak biez statusa rajcentra. U im nasielnictva vyrasła na 109 čałaviek (z 10474 da 10583).
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ8
Kamientary