U Breście pradali fabryku, jakaja vypuskała savieckich matrošak
U Breście z druhoj sproby pradali z aŭkcyjonu byłuju fabryku suvieniraŭ «Słavianka», jakaja kaliści była viadomaja vytvorčaściu savieckich matrošak.
Upieršyniu kompleks vytvorčych budynkaŭ płoščaj u 7670 kvadratnych mietraŭ sprabavali pradać u śniežni minułaha hoda. Ale tady patencyjnych kupcoŭ adpužała cana až u 2 600 000 rubloŭ, abo 835 000 dalaraŭ pa tahačasnym kursie.
Na tarhach, jakija prachodzili siońnia, łot išoŭ užo z 80%-j źnižkaj, pa 206 009 dalaraŭ u ekvivalencie. I za prava vałodać im zmahalisia try jurydyčnyja asoby.
«Aŭkcyjon doŭžyŭsia hadzinu. Było zroblena 38 stavak. Košt prodažu vyras amal u try razy i skłaŭ 1 923 960 rubloŭ (595 653 dalaraŭ pavodle kursu). Vyjhrała kampanija, jakaja zajmajecca prodažam budmateryjałaŭ», — piša «Anłajnier», spasyłajučysia na słovy arhanizataraŭ aŭkcyjonu.
Fabryka «Słavianka» pačała pracavać u Breście ŭ 1960-ja hady. Tady tam uručnuju stvarali, akramia matrošak, navahodnija cacki, jakija stajali pad jełkaj u kožnaj savieckaj kvatery. Kančatkova «Słavianka» spyniła svaju pracu ŭ 2020 hodzie.
U Minsku pradajuć z aŭkcyjonu viadomuju kramu kanfiskatu. Cana pytańnia — $2,5 miljona
U Minsku sprabujuć pradać zakinutuju hramadskuju prybiralniu, kab zrabić ź jaje kaviarniu. Cana nie simvaličnaja
Aryštavanuju samuju bujnuju soniečnuju elektrastancyju Biełarusi nie zmahli pradać, bo nikomu nie treba
Chto taja žančyna, jakuju Marzaluk u efiry BT abazvaŭ «švallu z Hrodna», i što jana piša ŭ čatach? Raskazvajem pra doktarku Stefanovič7
Kamientary