Hramadstva66

«U maim kalektyvie z 20 čałaviek pryščepku zrabili dva — astatnija vakcyny vylili va ŭmyvalnik»

U Homieli asudzili miedykaŭ, jakija rabili ludziam pryščepki tolki «na papiery», a nasamreč źniščyli amal 100 tysiač vakcyn suprać kavidu i hrypu. Čytačy «Našaj Nivy» padzialilisia niekalkimi historyjami, jak ich pryščaplali «dla statystyki».

Imiony ŭsich surazmoŭcaŭ źmienieny ŭ metach biaśpieki.

Maryna pracuje ŭ adnoj z ustanoŭ achovy zdaroŭja.

— Kali ty pracuješ u śfiery miedycyny, usie pryščepki robiać u dobraachvotna-prymusovym paradku. Nu jak robiać… Zvyčajna ja sapraŭdy pahadžajusia. U hetym hodzie, kali pačali rabić pryščepki ad hrypu, ja była ciažarnaja, ale nie chacieła jašče ŭ toj momant raskazvać pra heta kiraŭnictvu. Tamu ja prosta pajšła na pryščepku, kali mianie paklikali.

Skazała, što nie chaču rabić i pačuła adkaz: «My nie možam nie zrabić vam pryščepku. Staŭcie podpis, što pryščapilisia». Ja raśpisałasia. Potym pry mnie miedsiastra nabrała vakcynu ŭ špryc i prosta vyliła jaje ŭ rakavinu: «Usio, dziakuj, dobraha vam dnia». Ja vyrašyła pahavaryć z kalehami pra heta i vyśvietliłasia, što ŭ nas u kalektyvie z 20 čałaviek realna pryščapilisia 2, astatnija 18 doz vakcyny vylili va ŭmyvalnik.

Jašče adna śfiera, dzie supracoŭnikaŭ davoli časta prymušajuć rabić pryščepki ad hrypu — heta adukacyja. Dzijana pracuje ŭ adnoj sa škoł u nievialikim biełaruskim horadzie. Kaža, što dyrektar kožny hod pahražaje zvolnić, kali niechta admovicca pryščaplacca.

— Moža, kali b była zamiežnaja vakcyna, ja b jašče padumała. Ale nam prapanavali rasijskuju. A ja nikoli nie pavieru, što niešta, zroblenaje ŭ Rasii, moža być jakasnym. Ale ŭ nas u kalektyvie nichto nie spračajecca z dyrektaram. Bo z časoŭ kavidu schiema adpracavanaja. Ty idzieš na pryščepku i z paroha kažaš, što nie chočaš ničoha kałoć. Miedsiastra kivaje i padsoŭvaje list na podpis. A potym spakojna vylivaje vakcynu sa špryca. Ja navat nie viedaju, ci pryščapiŭsia chtości z maich kaleh sioleta, tamu što ŭ kaho ni spytaješ, usio hałavoj machajuć.

Volha sutyknułasia z falsifikacyjaj vakcynacyi ŭ dziciačym sadku, kudy chodzić jaje dačka.

— Vychavacielka mnie skazała, što dzieciam buduć rabić pryščepku ad hrypu. Ja skazała, što nie dazvalaju, napisała aficyjna admovu i addała ŭ sadok. Praź niekatory čas mnie telefanujuć ź dziciačaj palikliniki i kažuć, što dačce treba druhuju pryščepku ad hrypu rabić — bo kali dzicia ŭpieršyniu vakcynujuć ad hrypu, dyk robiać dźvie pryščepki ź intervałam u miesiac. A ŭ nastupnyja hady ŭžo adnu — tak mnie rastłumačyli. Ja padumała, što heta niejkaja pamyłka — bo ja ž dakładna admoviłasia ad pieršaj pryščepki. Pryjšła ŭ palikliniku — sapraŭdy, u kartku ŭklejena papierka, što pryščepku majoj dačce zrabili! Ale ž mnie dzicia raskazała b pra takoje — jana ŭkołaŭ baicca.

Ja pajšła da vychavacielki vyśviatlać, jak takoje mahło atrymacca. A jana spakojna kaža: «Nie chvalujciesia, nichto vašaj dačce pryščepku nie rabiŭ. Prosta nas paprasili nie psavać statystyku».

Čytajcie taksama:

Vynieśli prysud miedykam Homiela, jakija źniščyli amal 100 tysiač vakcyn suprać kavidu i hrypu. A spravazdačylisia, što zrabili pryščepki

«Zachoŭvajcie jak zrenku voka, heta dla «Pieršaha». Źlivy razmoŭ čynoŭnikaŭ pra vakcynu dla Łukašenki i statystyku pa karanavirusie

Nie tolki ŭ Biełarusi. U krainach ES źniščyli vakcyn suprać kavidu na čatyry miljardy jeŭra

Kamientary6

  • Abarmot
    11.03.2024
    Ničieho udivitielnoho, mnoho moich znakomych rasskazyvajet anałohičnyje istorii
  • Maksim Dizajnier
    11.03.2024
    Vsie pravilno sdiełali
  • Abarot
    11.03.2024
    Maksim Dizajnier, čto pravilno sdiełali? Ślili hos dieńhi v umyvalnik, čtoby statistiku narisovať? Tam možiet srazu risovať statistiku, nie tratiaś na zakupku vakciny?

Jakimi buduć vybary 2025 hoda? Razvažajuć Viačorka, Łatuška i Šrajbman20

Jakimi buduć vybary 2025 hoda? Razvažajuć Viačorka, Łatuška i Šrajbman

Usie naviny →
Usie naviny

U Breście zakansiervujuć ruiny 400-hadovaha klaštara. Heta adzinaje zbudavańnie, što zastałosia ad histaryčnaha Bieraścia4

Nazvanyja najlepšyja hulcy Jeŭra-2024, małady futbalist i hulec finału

Pamior biełaruski kampazitar Leanid Hucin

Ispanija čaćvierty raz u historyi vyjhrała Jeŭra — i heta rekord VIDEA6

Biznesoŭcu i kiraŭnika respublikanskaha turystyčnaha sajuza asudzili za supracu ź litoŭskimi śpiecsłužbami 3

Jašče adna achviara štormu — dreva zabiła chłopčyka pad Rečycaj

Stała viadoma asoba čałavieka, jakoha zastrelili na mitynhu Trampa1

Jarmošyna raskazała, kaho dapuściać da ŭdziełu ŭ vybarach-202520

Jarmošyna pra Cichanoŭskuju: Prosta pradaŭščyca na fonie Karatkievič u 2015-m46

bolš čytanych navin
bolš łajkanych navin

Jakimi buduć vybary 2025 hoda? Razvažajuć Viačorka, Łatuška i Šrajbman20

Jakimi buduć vybary 2025 hoda? Razvažajuć Viačorka, Łatuška i Šrajbman

Hałoŭnaje
Usie naviny →