Chto muž Volhi Bondaravaj? Vyhladaje, što pracuje kiroŭcam u Jeŭrasajuzie
Danosčyca Volha Bondarava sa svaimi antybiełaruskimi idejami čaściakom traplaje ŭ biełaruskaje miedyjapole. U adroźnieńnie ad jaje, muž žančyny nie śviecicca. Raskazvajem, što pra jaho viadoma.
Zavuć jaho Alaksandr Bondaraŭ. Jamu 52 hady. Jon naradziŭsia na Homielščynie, u miastečku Cierachoŭka Dobrušskaha rajona. U nieaktyŭnych sacsietkach Bondarava paznačana, što mužčyna skončyŭ himnaziju №1 u Hrodnie, a paśla pastupiŭ va ŭniviersitet tam ža.
Zhodna z bazami «Kibierpartyzanaŭ», Alaksandr maje sudzimaść — mahčyma, nie pieršuju. Sudzili jaho ŭ 1991-m za kradziež transpartnaha srodku, ździejśnieny paŭtorna, i parušeńnie praviłaŭ kiravańnia, jakoje paciahnuła mienš ciažkaje cialesnaje paškodžańnie. Praŭda, pakarali vielmi demakratyčna — dva z pałovaj hady kałonii z adterminoŭkaj dva hady (mahli dać da troch hadoŭ biez adterminoŭki). Takim čynam, za kraty Bondaraŭ tak i nie trapiŭ.
Nieviadoma, kali Alaksandr paznajomiŭsia z Volhaj, ale pabralisia šlubam jany ŭ krasaviku 2004-ha. Nieŭzabavie ŭ ich naradziłasia dačka.
U Biełarusi, zhodna z bazami «Kibierpartyzanaŭ», mužčyna pracavaŭ kiroŭcam na roznyja IP. Miarkujučy pa zapisach z bazy, Bondaraŭ niešta vaziŭ i vyvoziŭ ź ES, bo vyjazdžaŭ na mikraaŭtobusach i hruzavych mašynach. Doŭžyłasia heta da 2013-ha hoda — paśla vyjezdy paznačanyja jak «pryvatnyja».
Ahułam mužčyna vyjazdžaŭ za miažu bolš za 400 razoŭ z 2007-ha. Pryčym tolki vyjezdaŭ, paznačanych jak «pryvatnyja», u jaho było niekalki socień. Jon vyjazdžaŭ pa 4-5 razoŭ u miesiac, čas ad času navat na rovary. Byli pajezdki i razam z Volhaj dy inšymi ludźmi, u tym liku na mikraaŭtobusach.
Chutčej za ŭsio, jany niešta vazili ŭ Jeŭrasajuz dy ź Jeŭrasajuza i pierapradavali, nie dekłarujučy dachod. Heta lohka tłumačyć toje, čamu Volha Bondarava 17 hadoŭ nidzie nie pracavała. Ci pracavaŭ tady niedzie ŭ Biełarusi aficyjna sam Alaksandr — nieviadoma.
Čytajcie taksama: Bondarava niepierakanaŭča apraŭdvajecca za toje, čamu 17 hadoŭ nie pracavała
Volha Bondarava ŭ svaich kanałach demanizuje Jeŭropu i chvalić Rasiju dy Stalina. Što nie pieraškadžała joj jeździć u Jeŭrasajuz sotni razoŭ, u tym liku razam z mužam. Adpačyvali jany razam jak minimum dvojčy — u 2013-m u Bałharyi (jość navat fota vielmi nizkaj jakaści, dzie jany razam) i ŭ 2017-m va Ukrainie.
Ale z 2018-ha Alaksandr pačaŭ pracavać u ES — imavierna, taksama kiroŭcam. Tady jon vyjazdžaŭ ź Biełarusi ŭ ES i nie viartaŭsia čatyry miesiacy, choć raniej vyjezdy byli karotkija. Toje ž praciahnułasia ŭ 2019-m i 2020-m. Dla paraŭnańnia: u 2015-m Bondaraŭ pierasiakaŭ miažu ź Jeŭropaj 44 razy, u 2019 — usiaho vosiem.
Padčas vybaraŭ mužčyna nijak siabie publična nie prajaviŭ. Z červienia da kastryčnika 2020-ha jon uvohule pracavaŭ u Jeŭropie (z sakavika pa červień jon byŭ u Biełarusi). Paśla viartańnia ŭ Biełaruś nadoŭha na radzimie nie zatrymaŭsia i vyjechaŭ u ES u studzieni 2021-ha.
Ź jahonaj siastroj 11 žniŭnia 2020-ha adbyŭsia cikavy kurjoz. U žniŭni niechta napisaŭ joj ź niamieckaha numara słovy «na luboj zapraŭcy» — i jana zajaviła pra heta ŭ milicyju. Imavierna, heta pamyłkova zrabiŭ niejki ź siabroŭ Alaksandra, ale situacyja ŭ Hrodnie tady była vielmi napružanaj.
Alaksandr Bondaraŭ nie vyjaŭlaŭ svaich pohladaŭ. Praŭda, miarkujučy pa situacyi, kali Andrej Pavuk letaś telefanavaŭ jamu pad vyhladam milicyjanta, mužčyna suprać pohladaŭ žonki ničoha nie maje, a biełaruskuju movu razumieć pryncypova nie choča.
Ale dzie jon pracuje ciapier? Apošniaja jahonaja kamandziroŭka, jakuju možna ŭskosna paćvierdzić pa časie, adbyłasia ŭvosień 2021-ha hoda. Tady jon rabiŭ PCR-test u Hrodnie — zvyčajna, ludzi tady rabili ich dla vyjezdu (hetaja infarmacyja zachoŭvajecca ŭ adkrytym dostupie na sajcie adnoj ź lakarniaŭ). Z taho času pra jaho pracu zusim ničoha nie čuvać.
Ale zdahadku vykazać možna. U sacsietkach Alaksandr zusim nie źjaŭlajecca, niama tam i nivodnaha fota. Ale jon jość u miesiendžarach. U Whatsapp, jakim jon aktyŭna karystajecca, u jakaści zastaŭki staić takoje fota:
Na fota — aŭtamabil niamieckaj kampanii Pekeag Gmbh. Jana zajmajecca hruzapieravozkami. Čaściakom kiroŭcy staviać sabie takija vyjavy dla taho, kab pakazać kantaktam, dzie jany pracujuć.
Takim čynam, imavierna, Alaksandr i ciapier pracuje kiroŭcam na jeŭrapiejskuju kampaniju. Dy i čamu b nie pracavać? Zarobki tam vyšejšyja, čym u Biełarusi abo Rasii, a anijakich vizavych abmiežavańniaŭ na Bondarava nie nakładziena.
«Naša Niva» — bastyjon biełaruščyny
PADTRYMAĆ«Ja taja jašče pamidorka». Što Ihar Tur piša ŭ telehram-čatach sa svajho asnoŭnaha akaŭnta11
Kamientary