Hramadstva1717

Prapahandystka Chudalej, jakaja pracavała na žanočych maršach, zvolniłasia z STB i šukaje pracu ŭ IT 

«Zorka» Ksienii Chudalej uzyšła ŭ 2020-m. Jana zdymała prynižalnyja videa z zatrymanymi, a z pačatkam poŭnamaštabnaj vajny va Ukrainie raspaŭsiudžvała rasijskija fejki. Praz pracu na prapahandu navat razyšłasia z chłopcam. Ale hod tamu źnikła z teleekranaŭ. U Linkedin jana saramliva nie piša, što była prapahandystkaj.

Ksienija Chudalej. Kałaž «Našaj Nivy»

Šlach na telebačańnie

Ksienii 25 hadoŭ. Rodam jana z Mahilova, ź siamji prostych rabočych. U škole vučyłasia dobra, a paśla pajechała pastupać u Minsk. Abrała žurfak BDU, śpiecyjalnaść «aŭdyjavizualnaja žurnalistyka».

Na pieršym kursie dziaŭčyna schadziła na praktyku na radyjo, na druhim abrała ANT. A na trecim kursie stała pracavać na STB. Pieršy siužet pad jaje imiem datujecca majem 2018-ha — biełaruskamoŭny repartaž pra krynicu ŭ Dziaržynskim rajonie.

Pieršy repartaž STB, dzie zaŭvažanaja Ksienija Chudalej

Spačatku dziaŭčyna pracavała z navinami Minskaha rajona, paśla joj pačali daviarać siužety i pra stalicu.

Ksienija prahnuła słavy. Vielmi hanaryłasia, što šmat pracuje. «Nijakaha asabistaha žyćcia, ja prasiadzieła na pracy 12 hadzin, biez vychadnych budu pracavać», — lubiła pachvalicca jana.

«Zorka Chudalej»

U 2020-m Chudalej stała adnym z palityčnych žurnalistaŭ STB. Navat raniej vyjšła z adpačynku, kab uklučycca ŭ paślavybarčuju prapahandu.

«Ničym nie vydzialałasia, siarednieńkaja takaja. Adpracoŭvała raźmierkavańnie, karaciej.

A ŭ 2020-m jaje pačali pasyłać na maršy, jana bolš pracavała pa žanočych. Choć da hetaha jana nie była zaŭvažanaja ŭ jabaćkaŭskaj kahorcie. Za ŭdarnuju pracu Ksieniju pieraviali ŭ prahramu «Naviny 24 hadziny», a paśla jana rabiła aŭtarskuju prahramu — «Pralić śviatło».

Skryn repartaža STB

Kažuć taksama, što ŭ jaje byli adnosiny, ale praz 2020 hod para razyšłasia. Chłopiec nie acaniŭ jaje pracu na prapahandu», — raspaviadaje były kaleha Ksienii.

Adzin ź minčukoŭ paśla razmovy z Chudalej na prateście patrapiŭ na sutki. Sama Ksienija ŭ repartažy śćviardžała, što na pratestach pieravaročvajuć mašyny.

Chudalej pracavała pa mnohich palityčnych temach — jeździła na sudy nad Viktaram Babarykam, zapisvała prynižalnyja videa z zatrymanymi, rabiła repartažy z maršaŭ.

Materyjały Ksienii Chudalej na STB. Skryn sajta telekanała

Źmiest i padača jaje prahramaŭ nie byli niejtralnyja. Cichanoŭskuju jana nazyvała «durnoj», ździekvałasia z zatrymanych, admaŭlała isnavańnie palitviaźniaŭ, kpiła ź biełaruskich nacyjanalnych simvałaŭ.

U studzieni 2022 hoda prapahandystcy abjavili padziaku ad Łukašenki.

Paśla pačatku rasijskaha ŭvarvańnia va Ukrainu ŭ lutym 2022 hoda Chudalej pieraklučyłasia na temu vajny. Dziaŭčyna nazyvała Buču i fakty masavych zabojstvaŭ ukraincaŭ fejkami, pužała łabaratoryjami Pientahona i raspaŭsiudžvała inšuju rasijskuju łuchtu. Tak praciahvałasia da śniežnia 2022-ha.

Apošni repartaž Ksienii na STB vyjšaŭ 31 śniežnia 2022 hoda. Z taho času publična jana nidzie nie śviaciłasia.

Zvalnieńnie z TB i novyja intaresy

Usie sacsietki Ksienii zakrytyja, akramia Linkedin. I tam jość niekalki cikavostak.

Profil Ksienii na Linkedin

Pa-pieršaje, nidzie nie ŭkazana, što Chudalej pracavała ŭ dziaržaŭnych ŚMI. Pa-druhoje, akaŭnt byŭ stvorany ŭ kastryčniku 2022-ha, akurat napiaredadni zvalnieńnia.

Profil Ksienii na Linkedin

Padpisanaja Ksienija na IT-kampanii, BDU i staronku z prapanovami pa addalenaj pracy.

Staronki, na jakija padpisanaja Ksienija ŭ Linkedin

Taksama jana atrymała dva siertyfikaty ad Google — abodva pa rekłamie. Zvyčajna ich atrymlivajuć tyja, chto choča ruchacca ŭ śfieru SMM.

Siertyfikaty Ksienii na staroncy ŭ Linkedin

Z čym źviazana zvalnieńnie prapahandystki z STB, nieviadoma. Ale, vyhladaje, sama jana ciapier saramliva chavaje pracu na prapahandu.

«Naša Niva» — bastyjon biełaruščyny

PADTRYMAĆ

Kamientary17

  • Nichto
    20.12.2023
    Dobra, što raspaviadajecie ab hetych mrazotnikach. Pryjdzie čas, i jany ŭsie pažadajuć saskočyć, "pieraharnuć staronku".
  • Šlachcič Zavalnia
    20.12.2023
    Prisposoblenka. Uvy, eto diktujet žizń. Paśsionarii umirajut v tiuŕmach…
  • Čytač
    20.12.2023
    Redakcyja, dziakuj za artykuł i fiksacyju faktaŭ bijahrafii režymnaj prapahandystki.

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii7

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii

Usie naviny →
Usie naviny

U Minsku za pratesty buduć sudzić muža i žonku. U ich troje dziaciej3

«Usiakija situacyi ŭ žyćci byvajuć». Pavuk spytaŭ u miascovych uładaŭ pra šachied, što ŭpaŭ u Akciabrskim3

Ihar Strałkoŭ (Hirkin) budzie pracavać kraŭcom u kałonii1

Paśla 2 hadoŭ źniavoleńnia vyjšaŭ na volu staršynia AHP Mikałaj Kazłoŭ9

Borys Džonsan raskazaŭ, u čym źmiest mirnaha płana Donalda Trampa pa Ukrainie7

Łukašenka: My «kinuli jakar» u Rasii i Kitai, ale treba znachodzić šlachi supracoŭnictva i ź ES4

«U Biełaruś Kryhier zajechaŭ turystam». Źjavilisia novyja padrabiaznaści pra niemca, prysudžanaha da rasstrełu12

Namieśnik kiraŭnika MZS Polščy nazvaŭ try ŭmovy narmalizacyi adnosin ź Minskam9

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

bolš čytanych navin
bolš łajkanych navin

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii7

Bresckaja ajcišnica viartałasia z Polščy z daviedkaj ad KDB ab spłacie kampiensacyi za danaty. Šeść hadoŭ kałonii

Hałoŭnaje
Usie naviny →