Pad vyhladam biełarusaŭ litoŭcam pahražajuć «viarnuć Vilniu» i «pryjści da žonki i dziaciej». Ale heta fejkavyja akaŭnty
Akaŭnt, ź jakoha rassyłajucca paviedamleńni, zrobleny na nieisnujučaha čałavieka, zhienieravanaha niejrasietkaj.
Błohierka Volha Pavuk zapytałasia ŭ čytačoŭ u Facebook, ci viedajuć jany čałavieka ź imiem «Vasil Majeŭski» i ci realny heta čałaviek. Ź jahonaj staronki litoŭcam masava rassyłalisia pahroźlivyja paviedamleńni, sens jakich zvodzicca da taho, što Litva chutka budzie zachoplenaja «armijaj sa sta tysiačaŭ biełarusaŭ». Pahražali navat svajakam.
My vyrašyli pravieryć akaŭnt «Vasila». I pryjšli da vysnovy, što jon fejkavy.
Pa-pieršaje, heta akaŭnt, stvorany na nieisnujučaha čałavieka. «Kibierpartyzany» raskazali nam, što ŭ ichnich bazach fota takoha čałavieka nie isnuje. A niejrasietka, jakaja raspaznaje stvoranyja niejrasietkami vyjavy, śćviardžaje, što fota zhienieravanaje.
Da taho ž, akaŭnt apisany jak «idejny natchnialnik płatformy Novaja Biełaruś». Ale čałaviek z takimi imiem i proźviščam nikoli nie isnavaŭ u publičnym poli.
Pa-druhoje, teksty na staroncy pierakładzienyja na biełaruskuju aby jak. U kožnym dopisie ŭ vočy kidajecca proćma pamyłak, adčuvańnie, što pierakład aŭtamatyčny.
Pa-treciaje, u staronki vidavočna kuplenyja fejkavyja łajki i siabry. Pasty «Vasila Majeŭskaha» łajkajuć akaŭnty z krainaŭ Azii, Amieryki i Afryki, ale całkam adsutnyja reakcyi ź Biełarusi dy Litvy. Staronki tych, chto łajkaje publikacyi staronki, napoŭnienyja fejkavymi stokavymi fota.
Hetaja apieracyja mahła być zroblenaja biełaruskimi śpiecsłužbami, kab dyskredytavać biełaruski demakratyčny ruch u Litvie.
«Naša Niva» — bastyjon biełaruščyny
PADTRYMAĆAndrej Dźmitryjeŭ źjeździŭ u Bundestah, kab davieści nieabchodnaść udziełu Łukašenki ŭ mirnych pieramovach11
Kamientary
Nu byvaje, niejrasietka jak son - takoj fihni naśnić moža