PVT ciapier aficyjna patrabuje ad rezidentaŭ nie raskazvać praŭdu pra realii raboty ŭ Biełarusi
Administracyja Parka vysokich technałohij uniesła źmieny ŭ damovu z rezidentami i rassyłaje ich na podpis kiraŭnikam kampanij. Novy punkt patrabuje spynić «dyskredytacyju Biełarusi».
«Pry ažyćciaŭleńni dziejnaści ŭ Parku vysokich technałohij, kiraŭnik, zasnavalniki (udzielniki, ułaśniki majomaści) Rezidenta abaviazanyja nie dapuskać raspaŭsiudu infarmacyi, jakaja dyskredytuje Respubliku Biełaruś, dziaržaŭnyja orhany i arhanizacyi, nanosić škodu reputacyi ich adkaznych asob, a taksama dziejańniaŭ u škodu nacyjanalnych intaresaŭ Respubliki Biełaruś», — havorycca ŭ novym dadatku da Damovy pamiž Administracyjaj PVT i rezidentami parka.
Hety dadatak administracyja parka pačała rassyłać pa kampanijach, atrymańnie «Našaj Nivie» paćvierdzili kiraŭniki niekalkich firm.
Pradstaŭniki IT-biznesu ŭsprymajuć hetaje patrabavańnie ź ironijaj i peŭnym razumieńniem.
«Namieśnikaŭ pa biaśpiecy ŭ našy kampanii, jak u dziaržsiektar, naviazać pakul nie mohuć. Ale rabić štości treba, kali ŭ krainie vajna ź inšadumstvam.
Dziejničajuć farmalna, i heta dobra, bo mahło być horš.
A tak što? My padpišam. Kiraŭnik Parka dašle na adras svajoj byłoj pracy (Alaksandr Bazanaŭ raniej słužyŭ u KDB — «NN») spravazdaču, što pravioŭ palityčnuju rabotu i stolki akcyjanieraŭ pad rośpis abaviazałasia nikomu nie raskazvać, što ŭ Biełarusi va ŭłasnych kvaterach adstrelvajuć prahramistaŭ, a prodžekt-mieniedžarak z małymi dziećmi na plačach kidajuć za kraty za płakat.
Što tut kazać? Vykinuć z PVT možna i biez hetaj pisulki, heta vidavočna», — apisaŭ reakcyju na list adzin z atrymalnikaŭ. Jašče niekalki machnuli rukoj i nie stali kamientavać dziejańni Administracyi PVT.
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ6
Kamientary