Skarhu maci Navalnaha na niavydaču cieła syna razhledziać tolki praz dva tydni
Učora Ludmiła Navalnaja zapisała videazvarot da Pucina.
Skarhu maci Navalnaha na niavydaču cieła syna razhledziać tolki praz dva tydni, vynikaje z paviedamleńnia TASS.
«Skarha pastupiła na niezakonnyja dziejańni, rašeńni. [Razhlad] pryznačanaje na 4 sakavika, zakrytaje sudovaje pasiedžańnie», — skazali dziaržaŭnamu ahienctvu ŭ Salechardskim haradskim sudzie.
Učora Ludmiła Navalnaja zapisała videazvarot da Pucina. Jana zapatrabavała nieadkładna vydać joj cieła syna, kab pa-čałaviečy jaho pachavać. Alaksiej Navalny pamior u kałonii ŭ Jamała-Nienieckaj akruzie ŭ piatnicu. Jon adbyvaŭ 19 hadoŭ kałonii i byŭ pieraviedzieny tudy ŭ śniežni z kałonii va Uładzimirskaj vobłaści.
«Za majoj śpinaj znachodzicca kałonija VK-3 «Palarny voŭk», dzie 16 lutaha zahinuŭ moj syn Alaksiej Navalny. Piaty dzień ja nie mahu ŭbačyć jaho, mnie nie vydajuć jaho cieła, mnie navat nie havorać, dzie jon znachodzicca. Ja źviartajusia da vas, Uładzimir Pucin. Rašeńnie pytańnia zaležyć tolki ad vas, dajcie mnie narešcie ŭbačyć majho syna. Ja patrabuju nieadkładna vydać cieła Alaksieja, kab ja mahła jaho pa-čałaviečy pachavać», — skazała jana ŭčora ŭ zvarocie.
Brata Navalnaha abviaścili ŭ vyšuk u Rasii
«A chto jon taki?» — reakcyja botaŭ na naviny pra śmierć Navalnaha
Ci moža śmierć Navalnaha padšturchnuć rasiejcaŭ da baraćby za svabodu?
«My viedajem, za što kankretna Pucin zabiŭ Alaksieja. My chutka vam raskažam». Julija Navalnaja zapisała zvarot da rasijan
Piaskoŭ zajaviŭ, što Kreml «nie zajmajecca» spravaj Navalnaha
Biełaruskaja błohierka pracavała na rasijskaj apazicyjnaj fabrycy botaŭ, a paśla źliła dakumienty?40
Kamientary