Šviecyja nakiroŭvaje padraździaleńnie ŭ Łatviju. Jany stanuć častkaj pieršaj linii abarony ad patencyjnaha rasijskaha ŭvarvańnia
Siły NATO rychtujuć łahier dla raźmiaščeńnia šviedskich vojskaŭ u Łatvii. Šviecyja, jakaja jašče nie aformiła svajo členstva ŭ aljansie, užo pačynaje aktyŭna dziejničać u ramkach arhanizacyi.
![](http://d3kcf2pe5t7rrb.cloudfront.net/img/w840d4webp1/photos/z_2024_02/wecyja240210-bf2m1.jpg.webp)
Stakholm adpravić miechanizavanaje padraździaleńnie pamieram z bataljon dla ŭdziełu va «ŭzmocnienaj pieradavoj prysutnaści» NATO: heta šmatnacyjanalnaja apieratyŭnaja hrupa pad kiraŭnictvam Kanady, jakaja pavinna stać pieršaj linijaj abarony suprać mahčymaha ŭvarvańnia Rasiei ŭ krainy Bałtyi. Šviedski bataljon budzie raźmiaščacca tam u 6-miesiačnaj ratacyi z anałahičnym pa kolkaści dackim padraździaleńniem, piša Delfi.lv.
Šviecyja ŭžo źjaŭlajecca paŭnapraŭnym udzielnikam manieŭraŭ NATA Steadfast Defender 2024 («Ustojlivy abaronca 2024»), najbujniejšych z časoŭ Chałodnaj vajny. Jany pravodziacca ŭ roznych krainach aljansu. Udzielničajuć u ich i marskija piachotniki ZŠA, jakija adtočvajuć navyki katańnia na łyžach u Paŭnočnaj Narviehii.
Vučeńni, jakija aficyjna pačalisia 22 studzienia, praciahnucca da traŭnia. Udzieł u ich biaruć 90 000 vajskoŭcaŭ.
Orban praciahvaje hulniu. Vienhierski parłamient nie zmoh prahałasavać za dałučeńnie Šviecyi da NATA
Turecki parłamient uchvaliŭ zajaŭku Šviecyi na ŭstupleńnie ŭ NATA
NATA: Treba rychtavacca da taho, što ŭ nastupnyja 20 hadoŭ pačniecca vajna z Rasijaj
Napad Rasii na krainu NATA mahčymy praź piać-vosiem hadoŭ — Minabarony Niamieččyny
Kamientary