U Hrodnie za chabar sudziać dyrektara «AzotRamBud». Jon niadaŭna pryjechaŭ z Azierbajdžana
U Hrodnie sudziać Džaliłava Ilhara Hałandara ahły (u raskładzie sudoŭ napisana, mabyć, z pamyłkaj — «ahłu»). Čałaviek z takimi dosyć redkimi dla Biełarusi dadzienymi — dyrektar pradpryjemstva «AzotRamBud». Mužčyna rodam z Azierbajdžana, jaho sudziać za chabar, daviedaŭsia Hrodna.life.
Mužčynu pačali sudzić 8 lutaha ŭ sudzie Leninskaha rajona Hrodna pa dvuch artykułach — 430 č. 1 KK «Atrymańnie chabaru» i 430 č. 2 KK «Atrymańnie chabaru».
Na pradpryjemstvie paviedamili, što Ilhar Džaliłaŭ u ich bolš nie pracuje. Dyrektaram ciapier źjaŭlajecca Alaksandr Hałhofski, jaki raniej byŭ namieśnikam hałoŭnaha inžyniera — načalnikam adździeła pa ramoncie, ekspłuatacyi i nahladzie za budynkami. Na sajcie dyrektaram usio jašče paznačany Džaliłaŭ.
Ilhar Džaliłaŭ naradziŭsia ŭ Azierbajdžanie. U 2023 hodzie jon raskazvaŭ, što na toj momant dva hady tamu pryjechaŭ u kamandziroŭku ŭ Biełaruś i zacikaviŭsia krainaj. Supracoŭniki spačatku pastavilisia da jaho z aściarohaj, adznačyŭ jon. Taksama jon pachvaliŭ «sacyjalnuju abaronienaść» u Biełarusi: biaspłatnuju miedycynu i apłaty puciovak u sanatoryi.
«Hrodna Azot». Fota: t.me/azot_official
Mužčyna trapiŭ na došku honaru AAT «Hrodna Azot» — 2022. Apošniaja zhadka pra jaho na sajcie «Hrodna Azot» datavanaja studzieniem 2023 hoda.
Ramontna-budaŭničaje ŭnitarnaje pradpryjemstva «AzotRamBud» stvorana na bazie padraździaleńnia AAT «Hrodna Azot» cecha antykarazijnych pakryćciaŭ i ramontna-budaŭničych rabot u listapadzie 2013 hoda. 40 hadoŭ jany ramantavali budynki i zbudavańni, technałahičnaje abstalavańnie i abjekty sackultbytu «Hrodna Azot».
U Biełaruskaj pravasłaŭnaj carkvie abnavili ceńnik? Voś jakija buduć rekamiendavanyja taryfy7
Kamientary