U BDU raspracavali ajčynnyja survetki dla spynieńnia kryvacioku
Supracoŭniki Biełaruskaha dziaržaŭnaha ŭniviersiteta (BDU) raspracavali survetki, jakija spyniajuć kryvaciok i mohuć być vykarystanyja jak u chirurhičnaj praktycy, tak i ŭ pabytovych umovach.
![](http://d3kcf2pe5t7rrb.cloudfront.net/img/w840d4webp1/photos/z_2024_02/cgc5trtfkuafpmbx-3o2j0.jpg.webp)
Pry ŭzajemadziejańni z kryvioj survetki ŭsmoktvajuć jaje i transfarmujuć u hielepadobnaje rečyva, jakoje nie tolki nadziejna zakarkoŭvaje paškodžanyja kapilary, ale i całkam bijaraskładajecca, pieradaje telekanał ANT.
Košt zamiežnych anałahaŭ takich survetak składaje kala 70 dołaraŭ, a košt biełaruskaj raspracoŭki nibyta budzie amal u dva razy nižejšy.
Płanujecca, što vytvorčaść takich survetak zapuściać da kanca hetaha hoda. Stvoranyja vyraby buduć vykarystoŭvacca jak u cyvilnaj sistemie achovy zdaroŭja, tak i ŭ vajskovaj miedycynie, a taksama stanuć dastupnyja dla svabodnaha prodažu ŭ aptekach.
Razhladajecca taksama mahčymaść ekspartu pradukcyi ŭ krainy Jeŭrazijskaha ekanamičnaha sajuza.
Kamientary