Ci mohuć u biełarusaŭ, jakija ŭdzielničali ŭ pratestach, uźniknuć prablemy, jak u «Bi-2»? Tłumačyć advakat
Šosty dzień u topie navin historyja hurta «Bi-2», jaki zatrymali ŭ Tajłandzie. Biełarusy taksama nie suprać źlatać u hetuju krainu na adpačynak. Siarod ich jość i tyja, da kaho ŭ łukašenkaŭskich siłavikoŭ jość pytańni praź ich pazicyju ŭ 2020-m. Ci mohuć hetyja ludzi apynucca ŭ situacyi, jakaja zdaryłasia z «Bi-2»? Pra heta ŭ advakata i kiraŭnika jurydyčnaj firmy Legal status Alesia Michaleviča zapytałasia «Lusterka».
«Pačnu z taho, što takija krainy, jak Tajłand, zvyčajna nieachvotna robiać ekstradycyju, bo ekstradycyja — heta niepasrednaja vydača ŭ krainu, jakaja zapytvaje čałavieka, — adznačaje Aleś Michalevič. — Tut uźnikaje šmat pytańniaŭ adnosna taho, chto budzie apłačvać kanvoj dla jaho, jak jaho kanvajavać. Dy i zapytu na čałavieka, u našym vypadku z boku Biełarusi, moža nie być.
Našmat lahčej usio aformić praz departacyju. Pasadzić čałavieka na samalot, addaŭšy jaho dakumienty kamandziru ekipaža ci kiraŭniku bortpravadnikoŭ».
Surazmoŭca tłumačyć, što ŭ ideale departacyja robicca ŭ krainu hramadzianstva albo ŭ krainu, najbolš blizkuju da krainy hramadzianstva. U vypadku Biełarusi heta ź vialikaj dolaj vierahodnaści budzie Rasija.
«Jana dakładna prymie takoha pasažyra, a značyć, dla Tajłanda pytańnie vyrašycca, — praciahvaje advakat. — A dalej ujavim, što ŭ vas kryminalnaja sprava pa «palityčnym» artykule. U bazu Interpała vy nie patrapili, ale ŭ rasijskaj bazie vy jość (u siłavikoŭ ź Biełarusi i Rasii jana sumiesnaja. — Zaŭv. red.). I Rasija vas ekstraduje ŭ Biełaruś».
U toj ža čas, pa słovach Alesia Michaleviča, kali biełarusa niama ŭ bazie Interpała i da jaho za čas znachodžańnia ŭ Tajłandzie nie ŭźniknie nijakich pytańniaŭ u palicyi abo inšych struktur, to pieražyvać nie varta. Navat kali na im «visić» palityčnaja «kryminałka». U tajskich siłavikoŭ niama ahulnaj bazy z kalehami ź Biełarusi.
«Pry hetym moža ŭźniknuć situacyja, kali ŭ tajcaŭ da biełarusa źjaŭlajucca ŭnutranyja pytańni, — tłumačyć surazmoŭca. — Vykažam zdahadku, što na ŭjeździe ŭ krainu ŭ čałavieka akazaŭsia padazrony dla miascovych pamiežnikaŭ ścizoryk, bałončyk abo parašok.
Z-za hetaha turysta mohuć nie puścić. U takim vypadku jaho departujuć tym ža rejsam, adkul jon prylacieŭ. Dapuścim, u Varšavu, kali jon prybyŭ z Polščy.
U toj ža čas, kali prablemy z zakonam uźnikajuć u biełarusa, jaki ŭžo niejki čas znachodzicca ŭ Tajłandzie, jaho departujuć albo ŭ krainu hramadzianstva, albo ŭ krainu, najbolš blizkuju da krainy hramadzianstva».
Aleś Michalevič havoryć, što Tajłand adnosiać da niepravavych krain, tamu prablemy z zakonam tut mohuć uźniknuć, zdavałasia b, na pustym miescy. Časam dastatkova taho, što vy vyklikali padazreńnie. Naprykład, byli ŭ bary, kali tam pačałasia bojka, ci, žartuje surazmoŭca, nie tak na kahości pahladzieli.
«Pry hetym kali ŭ čałavieka pašparty dźviuch krain, naprykład Biełarusi i Izraila, to ź vialikaj vierahodnaściu turysta departujuć u tuju krainu, pa dakumiencie jakoj jon zajechaŭ u Tajłand», — reziumuje surazmoŭca.
Ułady Tajłanda jašče nie ŭzhadnili datu departacyi ŭdzielnikaŭ «Bi-2» z rasijskim hramadzianstvam
Adnaho z muzykaŭ «Bi-2» vyzvalili, jon čakaje samalota ŭ aeraporcie VIDEA
«U kamiery latali nieviadomyja mnie nasiakomyja». Raskazvajem pra tajskija turmy, dzie siadziać rokiery z «Bi-2»
Nijakich Turcyi, Armienii i Kazachstana. U jakija krainy nie varta jechać, kali baiciesia zatrymańnia i ekstradycyi
«Navat jaho prychilniki zrazumieli, što žyć jak raniej užo nie atrymajecca». Biełarusy raskazali pra atmaśfieru ŭ krainie napiaredadni vybaraŭ5
Kamientary