Minskija ŭłady suprać, kab pasažyraŭ u maršrutkach pieravozili stojačy
Pradpryjemstva «Staličny transpart i suviaź» nie padtrymlivaje prapanovu šerahu pryvatnych apierataraŭ maršrutnych taksi dazvolić pieravozku pasažyraŭ stojačy. Jak zajaviŭ ahienctvu «Minsk-Naviny» dyrektar pradpryjemstva Juryj Supranovič, takaja ž pazicyja i ŭ zakazčyka pieravozak — Minharvykankama.
Dziaržaŭny apieratar maršrutak ličyć, što pryniaćcie takoha rašeńnia niehatyŭna adabjecca na biaśpiecy pieravozak pasažyraŭ.
«Bolš za toje, my vystupajem za abaviazkovaje vykarystańnie ramianioŭ biaśpieki ŭ hetych transpartnych srodkach. I budziem chadajničać ab pavyšeńni kantrolu za dziejnaściu pieravozčykaŭ z hetaj nahody», — padkreśliŭ Juryj Supranovič.
Pavodle jaho słoŭ, pradpryjemstva ŭsio čaściej atrymlivaje zvaroty hramadzian, zaniepakojenych adsutnaściu ramianioŭ biaśpieki ŭ maršrutnych taksi.
Prapanova dazvolić pieravozku pasažyraŭ u maršrutkach stojačy prahučała na respublikanskaj naradzie pradstaŭnikoŭ ułady i pieravozčykaŭ 19 studzienia. Ułady abiacali hetuju prapanovu razhledzieć. Ciapier takaja pieravozka ličycca parušeńniem.
Što viadoma pra biełarusa Viktara Paviełku, jakoha ŭ Polščy padazrajuć u arhanizacyi napadaŭ na rasijskich apazicyjanieraŭ1
Kamientary