Biełaruskija banki źmiakčyli patrabavańni da jakaści zamiežnych kupiur
Biełaruskija banki z 1 lutaha buduć prymać zamiežnuju valutu pa abnoŭlenych praviłach, paviedamili ŭ Asacyjacyi biełaruskich bankaŭ. U pryvatnaści, ź lutaha ŭ krainie budzie dziejničać adziny pieralik prykmiet płaciežnaści banknot zamiežnaj valuty.
Kab miechanizm pačaŭ pracavać, 17 bankaŭ i try finansavyja arhanizacyi paŭhoda tamu padpisali pahadnieńnie, paśla čaho dakumient byŭ uchvaleny Nacyjanalnym bankam Biełarusi.
Takim čynam, z 1 lutaha ŭ biełaruskich abmieńnikach buduć prymać brudnyja i znošanyja kupiury z naturalnymi prykmietami vykarystańnia i navat ź nievialikimi paškodžańniami.
Naprykład, možna budzie zdać banknoty ź piaćciu nadryvami abo nadrezami da 3 milimietraŭ ci z adnym, ale da 5 milimietraŭ. Takija kupiury prymuć, navat kali paryvy abo parezy byli na ich samastojna zaleplenyja.
U niekatorych vypadkach navat śviačeńnie banknot u ŭltrafijalecie nie stanie pryčynaj admovy ŭ jaje abmienie. Ale dla hetaha struktura papiery pavinna być nie parušanaja, a sama kupiura — nie rassypacca i kryšycca.
U toj ža čas, jak i raniej, nielha budzie zdać u abmieńniki razarvanyja kupiury ci banknoty abo z abarvanymi bakami. Zabarona taksama raspaŭsiudžvajecca na valutu, jakaja vykarystoŭvałasia padčas apieratyŭnych mierapryjemstvaŭ i afarbavanyja śpiecyjalnaj farbaj.
Taksama nie atrymajecca abmianiać banknoty, jakija vypadkova byli pamytyja razam z adzieńniem, kali paśla hetaha jany stracili pieršapačatkovuju afarboŭku. Nie prymuć i kupiury, paškodžanyja ahniom, vilhotnyja, lipkija, a taksama źleplenyja ź inšymi banknotami.
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova15
Čynoŭniki prahavarylisia, što ŭ Biełarusi zastałosia tolki 8,8 miljona čałaviek? Heta niapravilnaja vysnova
«Lilit, vy śviatło jaho žyćcia». Ranicaj 1 studzienia minčuk zrabiŭ prapanovu svajoj dziaŭčynie ŭ samalocie «Biełavija» na vyšyni 10 tysiač mietraŭ2525
Kamientary