Hramadstva77

«Bandfarmavańnie paviešanaha palaka». Jak vykručvajucca prapahandysty paśla zabarony słovazłučeńnia «Połk Kalinoŭskaha»

Zabarona tryvaje try miesiacy. Za hety čas redaktaraŭ i aŭtaraŭ niekatorych dziaržaŭnych vydańniaŭ možna było b pryznać ekstremistami.

Kanfierencyja Pałka Kalinoŭskaha ŭ Kijevie 29 listapada 2023 hoda. Fota: pres-słužba Pałka Kalinoŭskaha

19 kastryčnika 2023 hoda ŭśled za sacyjalnymi sietkami «Pałka Kalinoŭskaha» rašeńniem Centralnaha suda Minska było pryznanaje «ekstremisckim» słovazłučeńnie nazvy padraździaleńnia, jakoje łukašenkaŭcy akreślili, jak «vizualny materyjał, tekst «Polk Kalinouskaha», «Połk Kalinoŭskaha».

Zhodna z sudovym rašeńniem pad zabaronu trapiła mienavita biełaruskamoŭnaja viersija nazvy Pałka.

Jak śviedčyć karnaja praktyka režymu Łukašenki, zhadka ekstremicskaha słovazłučeńnie pahražaje pieraśledam nie tolki aŭtaru, ale i vydańniu za apublikavańnie tekstu z kramołaju.

Najbolš surjozny parušalnik tut — «Źviazda». Vydańniu ciažej za inšyja, bo svaje publikacyi jano padaje pa-biełarusku. U śniežni 2023 hoda, kali ŭžo dva miesiacy słovazłučeńnie «Połk Kalinoŭskaha» było pad zabaronaju, «Źviazda» publikavała pierakładzieny na biełaruskuju movu materyjał ź BiełTA, pryśviečany kanfierencyi kalinoŭcaŭ.

U im nazva Pałka zhadanaja 6 razoŭ.

Jość jašče adzin niuans z pakarańniem za «ekstremizm». Biełarusaŭ represujuć navat za toje, što jany publikavali ŭ sacsietkach spasyłki jašče da taho, jak ich pryznali ekstremisckimi materyjałami.

Takija škilety ŭ šafie majuć i prapahandysty z «SB Biełaruś siehodnia». Pošuk pakazvaje na Andreja Mukavozčyka.

Jaho možna ciahnuć u sud za vykarystańnie biełaruskamoŭnaj nazvy Pałka Kalinoŭskaha ŭ rasiejskamoŭnaj publikacyi 2022 hoda.

U joj addany łukašenkaviec biełaruskamoŭnymi cytatami ź internet-prastory vysilvajecca źniavažyć apanientaŭ režymu.

Na adyjoznym STB za daŭnišnija publikacyi z nazvaj Pałka moža adkazać deputat-historyk Ihar Marzaluk, jaki na telekanale viadzie prajekt «Simvały biełaruskaj viečnaści».

Jon da nazvy dobraachvotnickaha padraździaleńnia dadaje «tak zvany», ale naŭrad ci sud daŭ by Marzaluku za heta łahadniejšy vyrak.

Na STB prapahandysty spaborničajuć u vynachodnictvie abraźlivych charaktarystyk dla Pałka Kalinoŭskaha. Adzin adnamu jany štoraz vydajuć svaje viersii, kim byŭ Kalinoŭski i čym jość padraździaleńnie, nazvanaje jaho imiem.

Naprykład, dla dyrektara Nacyjanalnaj biblijateki Vadzima Hihina Połk Kalinoŭskaha — «mifičny, jak i postać samaho Kalinoŭskaha» i ŭ toj ža čas heta «niezakonnaje ŭzbrojenaje farmavańnie».

Prapahandyst Andrej Łazutkin zakłapočany, kab padraździaleńnie biełaruskich dobraachvotnikaŭ nie stała palityčnaj siłaj.

Dla jaho Połk Kalinoŭskaha — «pudziła», jakim u vypadku pieramovaŭ z Rasijaj buduć pałochać Biełaruś.

A voś, dla Ryhora Azaronka Połk Kalinoŭskaha — heta «sełfi-banda», u jakoj słužać najomniki, jakich jon nazyvaje «zmaharnymi nieanacystami i ekstremistami».

Pavodle prapahandysta, u «połk paviešanaha palaka» viarbujuć miasa.

Mienavita takuju farmuloŭku nakont Kalinoŭskaha abirajuć i pamyjnyja łukašenkaŭskija telehram-kanały.

***

Połk Kalinoŭskaha — vajennaja farmacyja ŭ składzie Uzbrojenych sił Ukrainy, sfarmavanaja ź biełaruskich dobraachvotnikaŭ. Padraździaleńnie stvoranaje ŭ sakaviku 2022 hoda. U jaho składzie bataljony «Vołat» i «Litvin».

Misija pałka — vyzvaleńnie Biełarusi praz vyzvaleńnie Ukrainy. Pavodle kalinoŭcaŭ, vyzvaleńnie Ukrainy ad rasijskich zachopnikaŭ nieminuča pryviadzie da pasłableńnia i navat krachu pucinskaha režymu, što daść «mahčymaść pastavić kropku ŭ historyi isnavańnia režymu Łukašenki ŭ Biełarusi».

«Naša Niva» — bastyjon biełaruščyny

PADTRYMAĆ

Hladzicie taksama:

Ukraina sprościć atrymańnie hramadzianstva dla inšaziemnych dobraachvotnikaŭ

«Jak zachavać biełaruskaść?» dla mianie «Jak zachavać luboŭ da baćkoŭ?» Były kalinoviec raskazaŭ, što dapamahło jamu ŭśviadomić siabie

Kamandzirka evakuacyi raskazała, čamu pakidaje połk Kalinoŭskaha i čym budzie zajmacca dalej

Čamu na kanfierencyi kalinoŭcaŭ nie było Sachaščyka i jak zdaryłasia ŭciečka infarmacyi

Kamientary7

  • Davajcie raźbiaremsia ŭ terminałohii
    23.01.2024
    A čamu nn nie nazyvaje karnikaŭ i łukašystaŭ bandfarmiravańniami? Usie pra niejkich biełaruskich siłavikoŭ nam viarzie
  • Ihoŕ Minsk
    23.01.2024
    [Red. vydalena]
  • Kalinoviec ŭ N-m kalenie
    23.01.2024
    Krytyki NN u kamientarach, niejak vy niadobra hučycie. Sarkazm - časam dobra, ale ci abaviazkova vykarystoŭvać mienavita jaho?.. Mabyć mahčyma danieści svaju pazicyju spakojna?..

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Usie naviny →
Usie naviny

Za «abrazu pradstaŭnika ŭłady» mastačcy z Połacka pryznačyli prymusovaje lačeńnie. Jana viarnułasia z Polščy3

«Ź lohkim vietram» i «Narešcie, bro» — što pišuć Bajdenu ŭ tvitary

Stryžak raskazaŭ, ci ŭziaŭ by miljon dalaraŭ ad Čyža6

U Biełarusi źjavicca nacyjanalny videachostynh — vidieo.bieł 10

Džej Ło pierastała nasić zaručalny piarścionak. Kaniec historyi kachańnia

Adesit za $6 tysiač źbieh ad mabilizacyi ŭ Rasiju, dzie staŭ kantraktnikam. A kali trapiŭ na front, to zdaŭsia ŭkraincam9

Čamu Bajden vyrašyŭ vyjści z honki? Voś što pra heta pišuć suśvietnyja miedyja4

Sotni busłoŭ sabralisia na adnym poli la Hrodna FOTAFAKT2

Kolkaść lehkavikoŭ na biełaruska-polskaj miažy vyrasła da hihanckich 3501

bolš čytanych navin
bolš łajkanych navin

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta6

«50 hadzin u apošniaj dyktatury Jeŭropy». U Biełaruś pryjechali miehapapularnyja błohiery z ZŠA i Kanady — voś navošta

Hałoŭnaje
Usie naviny →