Volny biełaruski ŭniviersitet pryznali «ekstremisckim farmavańniem»
Adpaviednaje rašeńnie pryniataje KDB 15 studzienia.
Paviedamlajecca, što «inicyjatyva ažyćciaŭlaje ekstremisckuju dziejnaść praz šerah internet-resursaŭ i pry finansavaj i inšaj padtrymcy fondu imia Adenaŭera, Polska-amierykanskaha fondu svabody, Jeŭrapiejskaha fondu za demakratyju, pasolstva Vialikabrytanii ŭ Minsku, delehacyi Jeŭrapiejskaha parłamienta ŭ pytańniach Biełarusi».
Volny biełaruski ŭniviersitet — hramadskaja inicyjatyva, jakaja ŭźnikła ŭ 2017 hodzie ź inicyjatyvy 59 viadomych biełaruskich navukoŭcaŭ, dziejačaŭ kultury i mastactva, žurnalistaŭ, palitykaŭ i hramadskich dziejačaŭ, siarod jakich
- Nobieleŭskaja łaŭreatka, piśmieńnica Śviatłana Aleksijevič
- Pieršy kiraŭnik niezaležnaj Biełarusi, člen-karespandent Akademii Navuk Biełarusi, prafiesar Stanisłaŭ Šuškievič
- Nobieleŭski łaŭreat, pravaabaronca, palitviazień Aleś Bialacki,
- Staršynia Sajuza palakaŭ u Biełarusi Anžalika Borys
Adzin ź jaho natchnialnikaŭ — Alaksandr Milinkievič.
Zaniatki adbyvajucca anłajn na płatformie LMS Moodle VBU abo na płatformach partniorskich univiersitetaŭ. Mierkavałasia, što časam budzie vykarystoŭvacca i źmiešany farmat navučańnia («blended learning») — sučasnaje dystancyjnaje vykładańnie plus siesii i stažyroŭki ŭ ES.
Varta adznačyć, što miesiac tamu supracoŭnik KDB Kanstancin Byčak padklučyŭsia da anłajn-zaniatku VBU.
Prapahandystka ANT Natalla Stelmach źmianiła imia na Naci Ryšna i zarablaje ŭ Mieksicy na šamanach i narkatyčnych hrybach50
Kamientary