MZS Rasii vydała ruku Zialenskaha za ruku vajskoŭca z tatuiroŭkaj «Boha niama»
Aficyjny akaŭnt MZS RF u Ch (były Twitter) apublikavaŭ kałaž ź dźviuch fatahrafij, zroblenych padčas sustrečy Uładzimira Zialenskaha i brytanskaha premjera Ryšy Sunaka z ukrainskimi vajskoŭcami.
Usie kadry sapraŭdnyja. Adnak u svajoj publikacyi MZS RF abvioŭ ruku Zialenskaha na plačy Sunaka na adnym fota i złučyŭ hetuju abvodku z tatuiravanaj rukoj užo vajskoŭca, jaki abdymaje Sunaka na druhim fota. Tym samym MZS RF vydaŭ ruku vajskoŭca za ruku Zialenskaha. Pryčym na druhim fota sam Zialenski adyšoŭ i fatahrafuje svaich vizavi, źviartaje ŭvahu The Insider.
Na ruce vajskoŭca vidać niekalki tatuirovak, adna ź ich — «Boha niama». MZS RF supravadziŭ svoj kałaž z čyrvonymi kružočkami podpisam: «Karcina, jakaja kaštuje tysiačy słoŭ: «Boha niama», — abviaščaje tatuiroŭka. I sapraŭdy, dla biazbožnaha kijeŭskaha režymu, nieanacystaŭ i ich vajaŭničych zachodnich sponsaraŭ niama ničoha śviatoha. Adsiul pijar-chady na kaściach, hanieńni na pravasłaŭnych, zabojstvy žurnalistaŭ i h.d.».
«Chłopcy, ruki pracujuć nie tak», — padpisaŭ fejk zasnavalnik Bellingcat Elijot Chihins.
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»13
«Pahladzicie, što narabili mužčyny». Maryna Mientusava — pra žančyn, što vyratujuć śviet, pracu ŭ Rasii, asabistaje žyćcio i «Obyčnoje utro»
«Toje, što chtości siadzić za palityku, źjaŭlajecca častkaj piejzažu». Biełaruska, jakaja naviedała radzimu paśla doŭhaha pierapynku, padzialiłasia ŭražańniami1010
Kamientary