Były mer Uładzivastoka, asudžany da 12 hadoŭ za chabar, pajechaŭ vajavać va Ukrainu
Heta pieršy vypadak adpraŭki na vajnu z rasijskaj turmy byłoha čynoŭnika takoha ranhu.
Były mer Uładzivastoka Aleh Humianiuk, asudžany da 12 hadoŭ pa spravie ab chabary ŭ bujnym pamiery, adpraviŭsia na vajnu va Ukrainu. Pra heta vydańniu «Kommiersant» raspavioŭ jaho advakat Alaksandr Kitajeŭ.
Pa słovach advakata, pieršapačatkova Humianiuk pavinien byŭ zjavicca ŭ vajskovuju čaść 22 śniežnia 2023 hoda. Dzie zaraz znachodzicca asudžany, Kitajeŭ nie viedaje. «Nakolki ja razumieju, spačatku jon pavinien prajści padrychtoŭku na adnym z palihonaŭ», — skazaŭ advakat.
U prymorskich ŚMI zjavilisia fota, na jakich, jak miarkujecca, — Humianiuk u vajskovaj formie.
Aleh Humianiuk byŭ meram Uładzivastoka z 2019 pa 2021 hod. U kastryčniku 2021 hoda śledčyja zatrymali byłoha mera Uładzivastoka pa padazreńni ŭ atrymańni chabaru ŭ bujnym pamiery ad rytualnaha ahienctva «za ahulnaje zastupnictva».
U studzieni 2023 hoda Humieniuka pryhavaryli da 16 z pałovaj hadoŭ kałonii. U mai termin pakarańnia skaracili da 12 hadoŭ.
-
Nastupleńniem paŭstancaŭ u Siryi kiruje Abu Machamied al-Džułani. Chto jon taki i čamu jaho ličać prahresiŭnym džychadzistam?
-
Rasijskuju špijonku, jakaja źbirałasia spakusić i vykraści žurnalista Hrozieva, pry aryšcie zaśpieli ŭ łožku ź inšym ahientam Kramla
-
Siryjskaja apazicyja rychtujecca da abłohi Damaska
Stała viadoma, što za damovu ŭčora padpisali Łukašenka z Pucinym3
Stała viadoma, što za damovu ŭčora padpisali Łukašenka z Pucinym
Viarnuŭsia z vajny, uładkavaŭsia ŭ Varšavie, pasvaryŭsia z usimi — i źnik. Pryjacieli pra eks-kalinoŭca Maksima Ralko, jakoha zatrymali ŭ Biełarusi2020
Kamientary