Narviehija dazvoliła svaim kampanijam napramuju pradavać uzbrajeńnie Ukrainie
Urad Narviehii dazvoliŭ narviežskim kampanijam niepasredny prodaž vajskovaha abstalavańnia i zbroi ŭkrainskim uładam. Rašeńnie ŭstupaje ŭ siłu siońnia, havorycca ŭ pres-relizie narviežskaha ŭrada.
«U nadzvyčajnaj situacyi biaśpieki, jakaja skłałasia ŭ vyniku zachopnickaj vajny RF, nadzvyčaj važna, kab my praciahvali padtrymlivać Ukrainu. Padtrymka Ukrainy važnaja dla narviežskaj i jeŭrapiejskaj biaśpieki.
My pavinny płanavać, što niezakonnaja ahresiŭnaja vajna moža praciahnucca. Tamu ŭrad vyrašyŭ dazvolić pramyja prodažy abaronnaj pradukcyi narviežskich kampanij va Ukrainu», — zajaviŭ ministr zamiežnych spraŭ Narviehii Eśpien Bart Ejde.
Dla prodažu zbroi va Ukrainu narviežskim kampanijam treba budzie źviarnucca za ekspartnaj licenzijaj u MZS krainy. Licenzii buduć vydavacca tolki ŭ indyvidualnym paradku. Pradavać zbroju možna budzie tolki ŭkrainskim uładam, pastaŭščyki pavinny buduć pradstavić dakumientacyju pra kančatkovaha karystalnika.
Što aznačaje zahadkavy kod R99 u pryčynach śmierci Uładzimira Makieja i Vitolda Ašurka?5
Kamientary