Usiaho patrochu11

Spahada — hałoŭny sakret paśpiachovaha lidarstva

Kali vas spytajuć, jakija rysy charaktaryzujuć dobraha lidara, to pieršaje, što moža pryjści da hałavy, — heta racyjanalnaść, vytrymka i napor. Miž tym apošnija daśledavańni psichołahaŭ pakazali štości niečakanaje.

Fota: vecteezy

Pavodle roznych daśledavańniaŭ, empatyja pavyšaje zdolnaść supracoŭnikaŭ da inavacyj i źjaŭlajecca stymułam da lepšaha vykanańnia pastaŭlenych zadač, paviedamlaje Forbes. Aproč hetaha empatyja spryjaje lepšamu bałansu miž pracaj i žyćciom i, narešcie, matyvuje supracoŭnikaŭ zastavacca ŭ kampanii.

Empatyja aznačaje stanoŭčyja vyniki dla kampanii i dla supracoŭnikaŭ

Pryčyna, ź jakoj empatyja takaja nieabchodnaja, palahaje ŭ tym, što ludzi adčuvajuć vializnuju palitru roznych vidaŭ stresu. Kali my pieražyvajem ciažkija časy, zmahajemsia z vyharańniem abo nie dajem rady znajści ščaście na niecikavaj pracy, empatyja moža być mahutnym procijadździem i spryjać pazityŭnym uražańniam dla asobnych ludziej i kamandaŭ. Naprykład, adno daśledavańnie, u jakim udzielničali 889 čałaviek, pakazała, što empatyja maje niekatoryja značnyja kanstruktyŭnyja efiekty:

  • Navatarstva: supracoŭniki, jakija ličyli svaich lidaraŭ empatyčnymi, čaściej paviedamlali pra zdolnaść być inavacyjnymi (61% supracoŭnikaŭ u paraŭnańni z tolki 13% supracoŭnikaŭ ź mienš spahadlivymi lidarami).
  • Uciahnutaść: 76% ludziej, jakija adčuvali empatyju z boku svaich lidaraŭ, paviedamili pra svaju zaanhažavanaść, u paraŭnańni z tolki 32%, jakija adčuvali mienšaje supieražyvańnie.
  • Matyvacyja zastavacca ŭ kampanii: 57% biełych žančyn i 62% kalarovych žančyn skazali, što naŭrad ci padumajuć pakinuć svaje kampanii, kali buduć adčuvać, što ich žyćciovyja abstaviny pavažajuć i ceniać u kampanii. Adnak, kali jany nie adčuvali takoha ŭzroŭniu kaštoŭnaści abo pavahi da svaich žyćciovych abstavinaŭ, tolki 14% i 30% biełych i kalarovych žančyn adpaviedna skazali, što naŭrad ci padumajuć ab sychodzie.
  • Inkluziŭnaść: 50% ludziej z empatyčnymi kiraŭnikami paviedamili, što ich pracoŭnyja miescy inkluziŭnyja, u paraŭnańni z tolki 17% ludziej ź mienš empatyčnym kiraŭnictvam.
  • Bałans pracy i žyćcia: 86% supracoŭnikaŭ z empatyčnymi lidarami adznačyli, što jany zdolnyja spraŭlacca z vyklikami svajoj pracy i žyćcia, paśpiachova spałučajučy asabistyja, siamiejnyja i pracoŭnyja abaviazki. Heta ŭ paraŭnańni z 60% tych, chto adčuvaŭ mienš empatyi.

Supracoŭnictva taksama źjaŭlajecca važnym faktaram, asabliva kali razmova idzie pra kaapieracyju pamiž kalehami. Zhodna z daśledavańniem, apublikavanym u Evolutionary Biology, kali empatyja była ŭviedziena ŭ praces pryniaćcia rašeńniaŭ, heta pavialičyła kaapieracyju i navat prymusiła ludziej być bolš spahadlivymi. To-bok pačatkovaja empatyja sama pa sabie spryjała jašče bolšaj empatyi.

Dyk što ž pieraškadžaje raspaŭsiudžvańniu bolšaj kolkaści dobrych rečaŭ siarod siaredniestatystyčnaha kiraŭnictva kampanij? Što spryjaje raspaŭsiudu zmanaŭ i stereatypaŭ pra efiektyŭnaść «mocnaj ruki»? Razabracca z hetym sprabuje Džulija Miłnier, prafiesarka lidarstva ź biznes-škoły EDHEC, pra što piša The Conversation.

Typovyja pamyłki myśleńnia

Empatyja była adnym ź dzieviaci asnoŭnych navykaŭ, jakija kamanda spadaryni Miłnier razhladała ŭ svajoj apošniaj pracy ab efiektyŭnym lidarstvie. Jak vyjaviłasia, mieniedžary acanili prajavu empatyi jak najbolš składany kamunikatyŭny navyk — bolš składany, čym, naprykład, pastanoŭka pytańniaŭ i zvarotnaja suviaź.

Zdajecca, hetaja tendencyja źviazana z šeraham pamyłak «staroj škoły», jakija ŭklučajuć:

  • Padychod «usio abo ničoha»: «Kali ja prajaŭlu krychu supieražyvańnia, pierada mnoj buduć supracoŭniki, jakija ŭvieś čas płačuć».
  • Pamyłkovaje čakańnie niabiesnaj uznaharody: «Kali ja vykazvaju svaju empatyju, ja čakaju, što mianie za heta ŭznaharodziać, tamu inšy čałaviek mnie niešta vinien; i kali ja nie atrymlivaju taho ž naŭzamien, heta śviedčyć pra toje, što ja marnuju čas».
  • Implicytny (nievyjaŭny) stereatyp: «Lidary, jakija prajaŭlajuć empatyju, — słabyja; tamu mnie lepš vyhladać mocnym i žorstkim».

Praŭda ž nakolki prostaja, nastolki i spraviadlivaja: mocny lidar — heta empatyčny lidar. Čałaviek ni ŭ jakim razie nie źjaŭlajecca «słabym», kali kłapocicca pra inšych.

Vyklik dystancyjnaj pracy

Jašče adnoj mierkavanaj pieraškodaj dla empatyi była kultura dystancyjnaj pracy. Kiraŭniki adznačyli, što virtualnaje ŭzajemadziejańnie — niachaj heta budzie praź videa-kanfierencyi ci elektronnuju poštu — pazbaŭlaje ich važnych sihnałaŭ asabistaj kamunikacyi, takich jak mova cieła.

Adnak šarahovyja supracoŭniki, vidać, nie vierać, što dystancyjnaja praca pa svajoj sutnaści viadzie da čerstvych pavodzin. Naadvarot, niekatoryja supracoŭniki addavali pieravahu elektronnym listam na toj padstavie, što listavańnie davała im čas padumać, a nie reahavać adrazu i časam impulsiŭna.

Takim čynam, kiraŭnikam, jakija ŭ svaich žorstkich pavodzinach vinavaciać addalenuju pracu, varta parazvažać nad tym, ci nie pieraškadžajuć ich empatyi kahnityŭnyja skažeńni ci stereatypy, pieraličanyja vyšej.

Bolš za toje, jość kroki, jakija dapamohuć prajaŭleńniu pazityŭnych emocyj i pry virtualnaj kamunikacyi. Pamiatajcie: važna nie toje, što vy kažacie, a toje, jak vy heta kažacie. Tak, spadarynia Miłnier zaŭvažyła adnu cikavuju reč: padčas videazvankoŭ udzielniki časta dumajuć, što jany mohuć zabyć svaju ŭłasnuju mimiku. U toj ža čas niekatoryja mieniedžary nastolki zasiarodžanyja na tym, jak jany siabie padajuć, što hladziać na ŭłasnuju vyjavu i hublajuć uvahu, kab słuchać.

Tut važna znajści pravilny bałans i pryzvyčaicca da virtualnaha prajaŭleńnia empatyi. Mieniedžary taksama nie pavinny zabyvać pra svoj hołas, asabliva padčas videazvankoŭ. Važnaść hołasu padčas videakanfierencyi ŭzrastaje, kali jaje ŭdzielniki robiać niekalki spraŭ adnačasova, słuchajučy i nie abaviazkova ŭvieś čas hledziačy na ​​vas. Takim čynam prykmiety chvalavańnia abo stresu ŭ hołasie (abo navat adsutnaść zvarotnaj suviazi i mažlivaści dla supracoŭnikaŭ zadavać pytańni) buduć pasyłać sihnały adsutnaści empatyi.

Umacujcie ciahlicu empatyi

Kab abyści ŭsie hetyja pieraškody, spadarynia Miłnier prapanuje niekalki parad, jak pačać prajaŭlać empatyju:

  • Pry kožnym uzajemadziejańni zaŭsiody pamiatajcie, što treba słuchać, zadavać pytańni i pakazvać, što vy zrazumieli skazanaje, nie skočvajučysia pry hetym u štučnuju kamunikacyju. Heta ŭmacuje vašu empatyčnuju «ciahlicu» praz navučańnie i vopyt.
  • Zapisvajcie videa ŭ časie štodzionnaha ŭzajemadziejańnia. Navat kali pieršapačatkova dziŭna bačyć siabie na videa abo analizavać detali asabistaj kamunikacyi, hetyja razbory mohuć dapamahčy vyjavić peŭnyja pamyłki.
  • Pasprabujcie znajści čałavieka, viadomaha svajoj empatyjaj. Nazirajcie i zadavajcie pytańni, kab stać lepiej.

Ihnaravańnie emocyj na pracy nie spryjaje farmiravańniu praduktyŭnaha asiarodździa. Pryjšoŭ čas pryznać empatyju važnym lidarskim navykam, jakim jana faktyčna i źjaŭlajecca.

Kamientary1

  • Tufta
    05.01.2024
    Vas ŭviali ŭ zman. Lidar - heta toj, jaki biare na siabie adkaznaść za ahulnuju spravu i za ludziej, jakija iduć za im. Mienavita tamu ŭ nas lidaraŭ i niama

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach

Usie naviny →
Usie naviny

«Avijakampanija apłaciła adpačynak». Biełaruski raskazali, jak lohka i prosta dabilisia kampiensacyi za zatrymku rejsa4

«Nie prydumaŭ, jak narezać». Biełarus pakazaŭ u tyktoku, jak zabivaje ćvik mahiloŭskaj kaŭbasoj4

Čatyry krainy NATA damovilisia sumiesna raspracoŭvać dalnabojnyja rakiety1

Jak pazbavicca plamaŭ ad soku sadaviny i jahad1

Hrodna nakryła mocnaja zaleva, zatapiła vulicy VIDEA2

U minskim dvary złavili ekzatyčnuju źmiaju

Padčas ataki na Ukrainu ŭ Biełaruś zalacieŭ rasijski dron-šachied3

Valeryj Załužny pačaŭ pracu pasłom Ukrainy ŭ Vialikabrytanii FOTAFAKT1

Navukoŭcy vyjavili, što ŭdziačnaść dapamahaje žyć daŭžej4

bolš čytanych navin
bolš łajkanych navin

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach

Adčujuć na sabie nie tolki čaŭnaki i pierahonščyki. Jak novyja abmiežavańni ad ES adabjucca na prostych biełarusach

Hałoŭnaje
Usie naviny →