Śpiavačka Tejłar Śvift abyšła Si Czińpina, zasnavalnika Open AI Sema Altmana, karala Karła III i Barbi dy stała čałaviekam hoda pa viersii Time. Jana adna z samych pradavanych muzykaŭ u śviecie i samaja papularnaja śpiavačka na Spotify.
Taylor Swift (@taylorswift13) is TIME's 2023 Person of the Year https://t.co/oyjR55azCZ pic.twitter.com/m2qbIbd5TX
«Padumajcie, kolki razmoŭ u vas było pra Tejłar Śvift sioleta? Kolki razoŭ vy bačyli jaje fatahrafiju, prakručvajučy jaje ŭ telefonie? Vy byli adnym z tych, chto ździejśniŭ pałomnictva ŭ horad, dzie jana vystupała? Vy kupili bilet na jaje kancertny film — vy dvojčy naciskali na dopis u Instagram, abo śmiajalisia nad tvitam, abo naciskali na zahałovak pra jaje? Ci łavili vy siabie na tym, što napiavajecie «Žorstkaje leta», stojačy ŭ čarzie ŭ praduktovaj kramie? Ci pryznavalisia siabry, što jany hladzieli klipy z Eras Tour noč za nočču ŭ tyktoku? Ci heta rabili vy?» — havorycca ŭ artykule časopisa.
U prafajle Śvift žurnalisty Time pišuć, što Čałaviekam hoda čaściej za ŭsio stanoviacca pradstaŭniki tradycyjnych śfier ułady. «Jon — i tak, zvyčajna heta byŭ jon — vielmi časta byŭ palitykam abo tytanam industryi», — pryznajuć aŭtary.
Adnak čałaviek, čyj vyklučny ŭpłyŭ byŭ prykmietna na praciahu 2023 hoda, nie zajmaŭ takoha stanovišča. «U kožnym hodzie jość śviatło i ciemra; značnuju dolu 2023 hoda składała ciemra. U padzielenym śviecie, dzie zanadta šmat instytutaŭ cierpiać niaŭdaču, Tejłar Śvift znajšła sposab pieraadoleć miežy i stać krynicaj śviatła», — havorycca ŭ artykule časopisa.
Niekalki tydniaŭ tamu Tejłar Śvift stała miljarderkaj, pavodle acenki Bloomberg. Jaje dachod pieravysiŭ $1 miljard dziakujučy samamu maštabnamu ŭ karjery artystki kancertnamu turu Eras.
Dachod śpiavački składajecca z $400 miljonaŭ ad muzyčnych relizaŭ z 2019 hoda, $370 miljonaŭ ad prodažu kvitkoŭ i mierču i $110 młn, u jakija aceńvajecca nieruchomaja majomaść Śvift.
Tejłar Śvift — 33 hady. Jana pačała zajmacca muzykaj u 14 hadoŭ, pieršyja jaje albomy byli napisanyja ŭ styli kantry-pop, naprykład, Fearless. U 2014 hodzie Śvift vypuściła pop-albom «1989», u jakim adyšła ad kantry. Praz try hady vyjšła kružełka Reputation, jakaja stała biestsieleram i ŭznačaliła chit-parady ZŠA, Kanady, Vialikabrytanii i inšych krain.
Paźniej Śvift vypuściła albom Lover, Folklore, Evenmore, Midnights.
Jana adna z samych pradavanych muzykaŭ u śviecie i samaja papularnaja śpiavačka na Spotify.
Jaje samy papularny klip na YouTube naličvaje 3,3 miljarda prahladaŭ.
Časopis Time vybiraje čałavieka hoda štohod z 1927 hoda. U 2022 hodzie im staŭ prezident Ukrainy Uładzimir Zialenski, hodam raniej — pradprymalnik Iłan Mask.
Tejłar Śvift stała miljarderkaj
Vikipiedyja nazvała staronki, jakija najbolš prahladalisia ŭ 2023 hodzie
Fanaty Tejłar Śvift vyrašyli adpomścić hulcu «Barsiełony». I ŭ ich niabłaha atrymałasia
Fanaty Tejłar Śvift pieratvaryli jaje biezymiennuju knihu ŭ miehapapularny biestsieler. Jak potym vyśvietliłasia, knihu śpiavačka ŭvohule nie pisała
Jak skłaŭsia los chłopca ź viadomaha žyćcieśćviardžalnaha fota studenckaha maršu-2020?4
Kamientary