Epidemija pałomak zachlisnuła novyja biełaruskija tralejbusy ŭ Jekacierynburhu. U minułyja vychodnyja jak minimum u dźviuch mašyn raptam advalilisia štanhi tokapryjomnikaŭ (u narodzie ich jašče nazyvajuć «rahami»). Praz heta tralejbusy daviałosia źniać z maršrutu i adpravić u park, piša miascovaje vydańnie e1.ru.
«Fakt pałomki paćviardžajem, — paviedamili ŭ miascovym Hartransie. — Raźbirajemsia, čamu heta adbyłosia».
Krynica vydańnia, znajomaja ź situacyjaj, udakładniła, što pałomka novych tralejbusaŭ mahła adbycca z-za drenna zakručanych šrubaŭ.
«Inšyja mašyny ŭ toj dzień zahaniali ŭ park, kab praciahvać štanhi (macavańni štanhaŭ. — Zaŭv. red.)», — raskazaŭ surazmoŭca partała.
U 2023 hodzie Jekacierynburh upieršyniu za cełyja dziesiacihodździ atrymaŭ partyju novych elektryčnych mašyn. Kožny taki tralejbus abyšoŭsia horadu ŭ 30 miljonaŭ rasijskich rubloŭ (kala 330 tysiač dalaraŭ).
Raniej źjaŭlalisia paviedamleńni pra nizkuju jakaść i schilnaść da vychadu z ładu inšych vidaŭ hramadskaha transpartu, jakija vyrablajucca ŭ Biełarusi.
Bajpoł nazvaŭ imiony mahčymych zabojcaŭ Andreja Zielcara. I zajaviŭ, što siłavika «Nirvanu» zastreliŭ svoj ža6
Kamientary