«Zrabiŭ vysnovu, što našyja zmahary mieli racyju». Praŭładny pravakatar schadziŭ na pryjom u abłvykankam i rasčaravaŭsia va ŭładzie
Homielski pravakatar Jaŭhien Katlaroŭ schadziŭ na pryjom hramadzian, jaki vioŭ namieśnik staršyni Homielskaha abłvykankama Andrej Baranoŭski, i padzialiŭsia ŭražańniami. Katlaroŭ apublikavaŭ na svajoj staroncy ŭ sacsietcy niekalki videa na hetuju temu, prykłaŭšy zapis razmovy z Baranoŭskim. «Fłahštok» ich pasłuchaŭ i daviedaŭsia, čamu toj, chto ładziŭ pravakacyi suprać apazicyjnych aktyvistaŭ i padtrymlivaŭ režym, ciapier rasčaravaŭsia.
Katlaroŭ patłumačyŭ, što chacieŭ uźniać pytańnie niespraviadlivaj apłaty pracy pieravozčykaŭ u Homieli, a mienavita — paskardzicca na «šeryja» zarobki. Pavodle jaho, jon nakiravaŭsia ŭ abłvykankam i napisaŭ zajavu ab tym, jak niezakonna zaklučajucca dahavory padradu.
«Paprasiŭ udzialić hetamu ŭvahu i vypadkova daviedaŭsia, što zaŭtra ŭ Baranoŭskaha pryjom hramadzian. Paprasiŭ sakratara zapisać mianie, abaznačyŭ prablemu — zachacieŭ padniać jaje, kab pačynać ź joj zmahacca. Dziaŭčaty adkazali, maŭlaŭ, nie treba vam iści na pryjom — schadzicie spačatku tudy, potym siudy.
Takoje adčuvańnie, što toje, što tam naviersie vyrašajuć, na miascovym uzroŭni ŭsim pach*», — raspavioŭ Katlaroŭ.
U vyniku hamielčuku admovili ŭ zapisie na pryjom da namieśnika staršyni abłvykankama. Jon pa vychadzie z ustanovy vykłaŭ videa, u jakim raspavioŭ, što «sprabavaŭ zapisacca na pryjom, ale sakratarki skazali: nie treba turbavać našych słužycielaŭ zakona».
Jak śćviardžaje Katlaroŭ, paśla taho, jak jon vykłaŭ hetaje videa, «nie prajšło i čatyroch chvilin», jak pieratelefanavali i skazali, što jon zapisany na pryjom.
Hamialčuk vykazaŭ zdahadku, što pryjom u Baranoŭskaha ničoha nie daść: «pakujuć, i ŭsio zastaniecca na miescy, a tysiačy ludziej, jakija pracujuć kiroŭcami na pieravozkach, tak i zastanucca sacyjalna nieabaronienymi. A pa televizary i dalej budzie iści rekłama pra toje, jak my zmahajemsia z zarobkami ŭ kanviertach i inšaj niespraviadlivaściu, a ludziej buduć zapisvać u darmajedy».
Nazaŭtra Katlaroŭ apublikavaŭ novaje videa — paśla pryjomu ŭ Baranoŭskaha — i zajaviŭ:
«Zrabiŭ vysnovu, što našyja zmahary mieli racyju ŭ peŭnaj miery, niedalokija ad iściny. Tamu što ŭładu treba dziaŭbci i dziaŭbci, fihuralna kažučy. Tamu što kali prychodziš na pryjom da važnaha čałavieka pry pinžaku i halštuku, i jon navat nie daje zadać tabie pytańnie, ty pakazvaješ na parušeńnie zakonu, a jon kaža, što parušeńnia niama… Vy nikomu nach* nie patrebnyja, usim poch*».
Pavodle Katlarova, pa sutnaści jaho pytańnia jamu adkazali, što «heta nie naša kampietencyja». Katlaroŭ zrabiŭ vysnovu, što «naša ŭłada naohuł biaździejničaje», a taksama vykazaŭ zdahadku, što vyraz «Biełaruś — kraina prypisak» chutka budzie pryznany ekstremisckim.
U kancy videa Katlaroŭ pieravioŭ kamieru na skandalny fłahštok na płoščy Lenina i aburyŭsia:
«Nach* jaho było rabić, kali možna było pastavić sa značna mienšymi vydatkami na budynku Biełtelekama», — simvalična zaviaršyŭ svoj apovied pravakatar.
«Handal ludźmi? Palitźniavolenyja sami prosiać, kab niechta ich užo kupiŭ». Manałoh Jaŭhienii Doŭhaj29
Kamientary
Imieju odnoznačnoje mnienije - etoho psievdo-provłastnoho błohierišku i javnoho skrytoho "zmahara" nado bystrieje na čistuju vodu vyviesti! HUBOPiK nie śpitie!