Valer Kavaleŭski abmierkavaŭ pahłybleńnie parłamienckaha supracoŭnictva ź Isłandyjaj
Namieśnik kiraŭnicy Abjadnanaha pierachodnaha kabinieta Biełarusi i pradstaŭnik pa zamiežnych spravach naviedaŭ 23-24 listapada z pracoŭnym vizitam Isłandyju.
Fota: telehram-kanał Pradstaŭnictva pa zamiežnych spravach Abjadnanaha Pierachodnaha Kabinieta Biełarusi.
Pra heta paviedamlaje telehram-kanał Pradstaŭnictva pa zamiežnych spravach Abjadnanaha Pierachodnaha Kabinieta Biełarusi.
Adbylisia sustrečy z palityčnym dyrektaram MZS Maryjaj Mjoli i daradcam ministra Chiersiram Ołafsanam, daradcaj prezidenta Unaj Sihvatsdocir i staršynioj kamiteta pa mižnarodnych adnosinach nacyjanalnaha parłamienta Dziljaj Mist Jejnarsdocir.
Siarod abmierkavanych tem — pryjarytetnyja pytańni dla biełarusaŭ:
- mihracyjnaja prablematyka i dapamoha Isłandyi ŭ vyrašeńni prablem, ź jakimi sutyknulisia biełarusy,
- padtrymka Isłandyjaj jeŭrapiejskaha vybaru Biełarusi i ŭdzieł u realizacyi krokaŭ pa dasiahnieńni hetaj mety,
- pahroza niezaležnaści i nacyjanalnaj identyčnaści Biełarusi z boku Rasii.
- pahłybleńnie parłamienckaha supracoŭnictva, u tym liku, praz udzieł u Aljansie za demakratyčnuju Biełaruś,
- praciah kantaktaŭ na najvyšejšym palityčnym uzroŭni.
«Vizit adbyvaŭsia na tle pryznačeńnia novaha ministra zamiežnych spraŭ i važna było pačuć ad isłandskaha boku, što ich palityka pa Biełarusi zastajecca niaźmiennaj.
Supracoŭnictva Biełarusi ź Isłandyjaj — prykład taho, nakolki nasyčanymi i praktyčnymi mohuć być adnosiny pamiž hieahrafična addalenymi narodami, jakija adnak zbližajuć ahulnyja kaštoŭnaści, salidarnaść i spahada», — zaznačyŭ Valer Kavaleŭski.
«Naša Niva» — bastyjon biełaruščyny
PADTRYMAĆBajpoł nazvaŭ imiony mahčymych zabojcaŭ Andreja Zielcera. I zajaviŭ, što siłavika «Nirvanu» zastreliŭ svoj ža3
Kamientary