«Jon stanie adnym z adkryćciaŭ 2024 hoda». U Ispanii muzyku ź biełaruskimi karaniami pradkazvajuć suśvietnuju słavu
Ispanskamu muzyku Rusłanu Miedźjavilja, maci jakoha pachodzić ź Biełarusi, žurnalisty najstarejšaj i najbujniejšaj u krainie radyjostancyi Cadena SER pradrakajuć vialiki pośpiech u najbližejšy čas, źviarnuŭ uvahu sajt «Biełaruś i śviet».
Na sajcie hetaha vydańnia źjaviŭsia artykuł pra artystaŭ, jakija prajavili siabie ŭ apošni čas. Jon nazyvajecca «Rusowsky — ispanski artyst ź biełaruskimi karaniami, pra jakoha chutka budzie havaryć uvieś śviet».
Rusowsky — mienavita taki tvorčy psieŭdanim uziaŭ dla siabie Miedziavilja, jaki stvaraje treki ŭ žanry bedroom pop, što možna pierakłaści jak «pop-muzyka sa spalni».
Jak skazana ŭ artykule, Rusłan naradziŭsia ŭ 1999 hodzie ŭ Valjadalidzie, ale chutka pierajechaŭ z baćkami ŭ Fuenłabradu. Jaho mama, vykładčyk muzyki, z samych rańnich hadoŭ brała syna na svaje ŭroki.
«Jaho muzyka mahła b być typovaj dla aŭtara-vykanaŭcy, kali b nie toj płast abjomnaha hučańnia, jakim vałodajuć jaho pieśni. Vakodar i huk ad elektrapopu da trepu robiać usio astatniaje», — tak apisany styl Rusowsky.
Adznačajecca, što Rusłan supracoŭničaŭ z takimi vykanaŭcami, jak C Tangana i Dellafuente, i, choć jašče nie vypuściŭ pieršy dysk, vystupiŭ hetym letam na FIB — Mižnarodnym fiestyvali ŭ Bienikasimie.
«Kiniemsia ŭ vir z hałavoj i vykažam zdahadku, što jon stanie adnym z adkryćciaŭ 2024 hoda», — padsumavali apovied pra Miedźjavilja žurnalisty radyjostancyi.
Čytajcie taksama:
Saładucha pra zatrymańnie Hrybalovaj: A jaje za što? Daj Boh, kab usio było dobra
Jak mučyli Cila Švajhiera i centry haradoŭ, kab stvaryć karcinku dla sudzimaha za machlarstva prateže Dźmitryja Baskava15
Kamientary