Namieśnika staršyni Biełaruskaj fiederacyi futboła Uładzimira Bazanava, jaki jechaŭ na matč žanočaj zbornaj Biełarusi suprać kamandy Słavienii, jaki prachodziŭ u Vienhryi, nie ŭpuścili ŭ Polšču, a jaho vizu anulavali, piša Tribuna.com.
![](http://d3kcf2pe5t7rrb.cloudfront.net/img/w840d4webp1/photos/z_2021_12/20211202001357-gunzu.jpg.webp)
Jak adznačaje vydańnie, Bazanaŭ nie moh adpravicca razam z žanočaj nacyjanalnaj kamandaj praz krainy Bałtyi, bo z 20 listapada 2020 hoda znachodzicca ŭ sankcyjnych śpisach Litvy, Łatvii i Estonii.
Pryčyny admovy ŭ prajeździe na terytoryju Polščy, a taksama anulavańnia vizy nieviadomyja.
Raniej Bazanaŭ nieadnojčy rabiŭsia fihurantam skandałaŭ, źviazanych sa sprobami naviedvańnia krain Jeŭrasajuza. U kancy 2021 hoda jaho zatrymała palicyja ŭ Čechii. Tady čynoŭnika vysłali na radzimu, a šenhienskuju vizu anulavali. U žniŭni minułaha hoda jaho raźviarnuli na miažy z Polščaj. A ŭ studzieni 2023 hoda Bazanava užo bačyli na šopinhu ŭ polskaj Biełaj Padlašskaj.
Bazanaŭ — pałkoŭnik zapasu, były deputat Pałaty pradstaŭnikoŭ. U 2019-m jaho pryznačyli kiraŭnikom Biełaruskaj fiederacyi futboła, i na hetaj pasadzie jon datyčny da represij u biełaruskim sporcie.
Kamientary