Śviet22

«Pravilnyja vykanaŭcy z pravilnym pasyłam». Pierad prezidenckimi vybarami ŭ Rasii ŭ rehijonach projduć kancerty praŭładnych zorak

Jany pavinny pierakanać žycharoŭ, što ŭ Rasii «ŭsio stabilna».

Šaman staŭ adnoj z hałoŭnych praŭładnych rasijskich zorak. Fota ź jaho instahrama

Palityčny błok Administracyi prezidenta Rasii maje namier arhanizavać u rehijonach kancerty łajalnych da rasijskaj ułady zorak. Pra heta «Mieduzie» raspaviali dźvie krynicy, blizkija da Kramla.

Pavodle ich słoŭ, nieaficyjna turne stanie častkaj pieradvybarnaj kampanii Uładzimira Pucina na prezidenckich vybarach 2024 hoda, adnak, chutčej za ŭsio, nie budzie abjadnana ahulnym brendam u duchu «Hałasuj abo prajhraješ» (pad im prachodziŭ znakamity muzyčny tur u padtrymku Barysa Jelcyna na vybarach 1996 hoda). Udzieł samoha Pucina ŭ rehijanalnych mierapryjemstvach nie płanujecca.

«Heta padtrymańnie patryjatyzmu, nu a značyć, i rejtynhu prezidenta. [Buduć vystupać] pravilnyja vykanaŭcy z pravilnym patryjatyčnym pasyłam. Va Uładzimira Pucina pasył taki ž, heta jak by jaho kamanda. Jana kaža — padtrymlivaješ Rasiju, značyć padtrymlivaješ prezidenta. Plus sihnał [žycharam rehijonaŭ]: vas nie zabyvajuć, da vas adpraŭlajuć kultbryhady», — patłumačyła krynica «Mieduzy», blizkaja da AP.

Pavodle słoŭ inšaha surazmoŭcy, blizkaha da Kramla, ciapier AP viadzie pieramovy «z usimi, chto łajalny i choć niejak varušycca: pop-, rok-zorki, dziaržaŭnyja teatry». U jakaści prykładu jon pryvioŭ pastajannych udzielnikaŭ praŭładnych kancertaŭ — Hryhoryja Lepsa, Šamana, hrupu «Lube» i Palinu Haharynu. Letaś Kreml užo ładziŭ taki tur praŭładnych rasijskich zorak — u padtrymku vajny, pad nazvaj «Za Rasiju». Jon abyšoŭsia prykładna ŭ 100 miljonaŭ rubloŭ (1,2 młn dalaraŭ), kancerty adbylisia ŭ 31 horadzie.

Kuryruje arhanizacyju kancertaŭ Upraŭleńnie Kramla pa hramadskich prajektach na čale ź Siarhiejem Novikavym — paplečnikam namieśnika kiraŭnika AP Siarhieja Kiryjenki. Surazmoŭcy «Mieduzy» nazyvajuć Novikava «hałoŭnym cenzaram kino, teatra i muzyki» i kažuć, što mienavita ŭ jaho ŭpraŭleńni ciapier prymajucca klučavyja rašeńni nakont kulturnaj palityki.

Akramia taho, jak paviedamlaŭ RBK, Kreml užo pačaŭ rychtavać śpis «davieranych asob» Pucina da vybaraŭ 2024 hoda. Pa słovach dźviuch krynic «Mieduzy», blizkich da AP, u jaho taksama pavinny ŭvajści artysty, jakija pajeduć z» patryjatyčnymi» hastrolami pa rasijskich rehijonach.

U cełym palityčny błok AP płanuje pieratvaryć čarhovaje abrańnie Pucina ŭ «čaradu śviataŭ» — naprykład, fonam dla kampanii stanie Usierasijski konkurs «Heta ŭ nas siamiejnaje», u jakim rasiejcy mohuć vyjhrać kvateru ci padarožža pa krainie. Jon, jak i hastroli praŭładnych zorak, pa zadumcy Kramla, pavinien «pavysić sacyjalny aptymizm» i pakazać, što ŭ krainie, niahledziačy na vajnu, «usio stabilna i narmalna».

Prezidenckija vybary projduć u Rasii ŭ sakaviku 2024 hoda. Pucin faktyčna kiruje Rasijaj z 2000 hoda (u 2008—2012 hadach prezidentam byŭ Dźmitryj Miadźviedzieŭ).

Kamientary2

  • haha haharin
    02.11.2023
    dronov pochož na utočku a s driedami voobŝie na čužoho
  • Vierojatnyj
    02.11.2023
    I vied́ ruzzkije eto prohłotiat i poprosiat dobavki! A chorošije ruzzkije budut ich vsiemi siłami otmazyvať!

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Usie naviny →
Usie naviny

Kamaroŭski rynak pieratvaryŭsia ŭ sapraŭdnaje mora VIDEA6

Siłaviki ŭ Breście zatrymali dyrektara kampanii za ŭdzieł u pratestach u žniŭni 2020 hoda

U Minsku z-za patopu zakryli stancyju mietro «Park Čaluskincaŭ» VIDEA

«U Biełarusi maju muzyku rekłamavała KDB, a ŭ Polščy — palicyja». Bancar prakamientavaŭ svajo zatrymańnie ŭ Varšavie9

Litva raźviarnuła na miažy bolš za 20 mašyn ź Biełarusi — u tym liku z hramadziankaj Litvy za rulom5

Minsk siońnia pajšoŭ pad vadu FOTY13

Amierykaniec u 14 hadoŭ staŭ samym maładym futbalistam u historyi Amierykanskaj futbolnaj lihi

«Rychtujucca da vajny, a hienieratary nie ŭ stanie kupić». Što raskazvajuć pra situacyju ŭ Mazyry miascovyja žychary3

Ziamla ŭvajšła ŭ mieteorny patok Piersieidaŭ. Dzie i kali pabačyć hetu nieziamnuju pryhažość?

bolš čytanych navin
bolš łajkanych navin

Voś čamu ŭ Kitai mohuć prysłuchoŭvacca da Polščy16

Voś čamu ŭ Kitai mohuć prysłuchoŭvacca da Polščy

Hałoŭnaje
Usie naviny →